Almaty ákimi Baýyrjan Baıbek Astana jáne Qazaqstan mıtropolıti Aleksandrmen, sonymen qatar epıskop Djýzeppe Favale bastaǵan Konversano jáne Monopolı eparhıasynyń delegasıasymen kezdesti. Kezdesý barysynda dinı jáne ultaralyq kelisim,qalanyń etnomádenı birlestikterin qoldaý men yntmaqtastyq máseleleri sóz boldy.

«Biz bul jerden shynaıy toleranttyqty, Qazaqstan jerinde joǵary baǵalanatyn barlyq konfesıalardyń beıbit jáne áleýmettik ómirin kórdik. Men Almaty syndy ásemqalany, álemniń ár buryshynan adamdar qýana keletin osyndaı qonaqjaı mekendi, Qazaqstandy, biz búgin kórgen baı ulttyq mura men ǵajap tabıǵatty barynsha kóp jandardyń bilgeninen qalaımyn», - dep atap ótti epıskop Djýzeppe Favale.

Ol Qazaqstannyń túrli ulttar men túrli dinı senimderdi aınalasyna shoǵyrlandyrǵanyn aıtty. Óziniń sózinde ol baı tarıhı kıeli jerde beıbitshilikti saqtaýda, ózara yntymaqtastyqty qalyptastyrýda osyndaı ónegeli jumystardy odan ári jalǵastyra berý kerektigin jetkizdi.

Aıta keterligi, qazirgi kezde Qazaqstan halyqtary Assambleıasyna Almaty qalasy boıynsha 34 etnomádenı birlestikter kiredi, etnıkalyq BAQ shyǵyp turady, birneshe ulttyq teatrlar bar, 13 jeksenbilik mektep ana tilin oqytý boıynsha naqtyly jumystar júrgizýde.