Bıylǵy jyly megapolıste «Almatyny damytýdyń 50 joba- draıverleri» baǵdarlamasy aıasynda birqatar iri óndiris nysandaryn salý josparlanýda. Almaty ákimi Baýyrjan Baıbek Alataý aýdanyndaǵy Indýstrıaldy aımaqtyń ınfraqurylymdarynyń qurylysyn tekserdi, munda qurylys, farmasevtıka, hımıa, tamaq jáne jeńil ónerkásip salalarynyń 40-tan astam otandyq jáne sheteldik jobalar júzege asýda.

Jumys sapary barysynda Baýyrjan Baıbek eń aldymen munaı, gaz, sý jáne munaı ónimderin tasymaldaıtyn úlken dıametrli bolat qubyrlaryn shyǵaratyn elimizdegi alǵashqy joǵarytehnologıaly zaýyttyń qurylys alańynda boldy. Qazaqstandyq- qytaılyq «Asia Steel Pipe Company» kásipornynyń iske qosylýy Qazaqstanǵa syrttan ákelinetin qubyr ónmideriniń 60%-yn qamtamasyz etedi.

Almaty ákimi kabel jelilerin shyǵaratyn reseılik kompanıanyń «KMK Investment» zaýytynyń, Japonıadan tys jerde balamasy joq ınjenerlik jelilerdiń qaýipsizdigin qamtamasyz etetin «Tokyo Rope Almaty» zaýytynyń qurylys qarqynymen tanysty.

Dál osy kúni Baýyrjan Baıbek óndiristik qýaty qalanyń qaldyqtaryn tolyq óńdeıtin qaldyq suryptaıtyn keshendi aralap kórdi.

Jobany júzege asyrý barysynda TQQ jınaıtyn, tasymaldaıtyn, suryptaıtyn basqarý keshenin engizý josparlanǵan. Bul óz kezeginde aınala qorshaǵan ortadaǵy ekologıalyq júktemeni azaıtady.

Jumys sapary barysynda qala basshysy 200 jolaýshy avtobýsyna eseptelgen №3 komýnaldy avtobýs parkiniń qurylysymen de tanysty.

Jańa avtobýs parki birmezette 10 avtobýsqa qyzmet kórsetetin gaz qondyrǵylarymen jabdyqtalady. Avtobýs parkinde tehnıkalyq qyzmet kórsetý, kólikti jýý, júrgizýshiler tynyǵyp, uıyqtaıtyn ákimshilik- turmystyq blok nysandaryn salý qarastyrylǵan.