Almatyda melekettik organdar men qalanyń bıznes - qaýymdastyǵy ókilderiniń qatysýymen jyl saıynǵy konferensıa ótti. Taraptar qalanyń bıznes – ahýalyn jaqsartýdyń mańyzdy máselelerin talqylady.

«Atameken» UKP prezıdıýmynyń tóraǵasy Tımýr Qulybaev óziniń quttyqtaý sózinde uıym qurylǵan 2013 jyldan beri qaraı kásipkerlerdiń quny 92 mlrd. teńgeden asatyn múliktik quqyqtary qorǵalǵandyǵyn aıtty.Palatanyń qoldaýy barysynda elimizdiń jańa Salyq kodeksi jasaldy, 20 myńnan astam normatıvti – quqyqtyq aktiler jobalary men zańjobalary saraptamadan ótti.

«Almaty - elimizdegi bıznestiń tal besigi, munda kásipkerlerdiń basym bóligi shoǵyrlanǵan. Qazirgi kezde qalada olardyń esh kedergisiz jumys isteýleri úshin bıznes- ahýal qalyptasqan. Bıylǵy jyly qalada kásipkerlerge qyzmet kórsetetin tolyq formatty Ortalyq ashýdy josparlap otyrmyz, ol ruqsat qujattardy «bir tereze» qaǵıdasy boıynsha tirkeıtin bolady», - dedi skazal Tımýr Qulybaev.

Óz kezeginde Almaty ákimi Baýyrjan Baıbek atalǵan konferensıanyń memleket pen bıznes arasyndaǵy dıalogtyń tıimdi alańyna aınalǵanyn atap ótti.

«Memleket basshysynyń taprsyrmasy boıynsha Almatyda jeke bastamalardy yntalandyrýǵa jáne bıznes- ahýaldy jaqsartýǵa erekshe kóńil bólinedi. Búgingi kúni megapolıs jeke bıznes pen shıkizatsyz ekonmıka kapıtalynyń qalasy retinde qalyptasýda, munda SHOB-tiń 170 myńnan astam sýbektisi bar, bular 10 almatylyqtyń 7-in jumyspen qamtamasyz etýde. UKP men birge biz bıznes júrgizýdiń jaǵdaıyn jasqartý boıynsha jumystardy júzege asyrýdamyz, nesıe resýrstarynyń qoljetimdiligi jáne ákimshiliktiń kedergilerdiń azaıýy basty baǵyt bolýda», - dedi Baýyrjan Baıbek.

Mysaly, Almatyda ınvestısıalyq ahýaldyń tartymdylyǵyn arttyrý úshin qurylys salý men komýnaldyq jelilerge qosylý prosesteri elektrondy formatqa kóshirilgen. almaty.genplan.kz ınteraktıvti kartada qyzyl jıekter, ınjenerlik jeliler, elektr energıasy men sýdyń bos qýattary ashyq jarıalanǵan. Bıznes ókilderine qalanyń jeke jospary men damýdyń bas jospary, alynǵan jáne bos jatqan jer ýchaskeleri kórsetilgen jer-kadastrlyq karta da qojetimdi bolýda.

Ótken jyly elektrondy formatta kórsetilgen memlekettik qyzmet sany 8 ese ósti. Bıylǵy jyly «paper-free» qaǵıdasy boıynsha ákimdiktiń kórsetetin 10 aktýaldy qyzmeti elektrondy formatqa kóshilirgen.

Bulardan ózge,TÚKSH salasynda, aqyldy jarıalaýda jáne Big datany qalyptastyrýda jańa jobalardy iske asyrý josparlanǵan. Open Almaty alańynyń «bir tereze» formatynda tehnıkalyq jaǵdaılardy jasaý qyzmetin usyný jobalanǵan.Almatyny damytý Ortalyǵynyń bazasynda sıfrlandyrý ofısi qurylǵan.

Aıta keterligi, búgingi kúni «Bıznestiń jol kartasy- 2020» baǵdarlamasy boıynsha megapolıs bekitilgen jobalar sany boıynsha birinshi orynǵa shyqty. «Ónimdi eńbekpen qamtýdy damytý jáne buqaralyq kásipkerlik» Baǵdarlamasy qolǵa alynǵan, ol jumyssyzdar men óz betinshe eńbektenýshilerdi jylyna 6% nesıe berý jolymen kásipkerlikke tartýǵa baǵyttalǵan. Baǵdarlama bastalǵaly beri quny 1,4 mlrd. teńge bolatyn 90 joba qarjylandyryldy.