Reseı­diń Kemerovo qalasynda asa qaı­ǵyly oqıǵa oryn alǵany belgili. Son­daǵy «Zımnáá vıshná» saýda ortalyǵynda órt bolyp, nátıje­sin­de 63 adam, onyń ishinde 41 bala qaı­ǵyly qazaǵa ushyraǵan edi. Osyǵan oraı Qazaq­stan Úkimeti birden ózimizdegi qaýip­sizdik jaǵ­daıyn qolǵa aldy. Sóıtip, tıisti oryndar dereý iri oıyn-saýyq saýda oryndaryn lańkestikten qor­ǵaý úshin jappaı tekseriske aldy.

Árıne, Almaty qalasy da mundaı tekseristerden shet qalmady.  2015 jyly QR Úkimetiniń «Lańkestik turǵy­syndaǵy áreketter aldynda álsiz nysan­dardy lańkes­tikten qorǵaý jónindegi» qaýlysy qabyldanǵan bolatyn. Sonyń negi­zinde eki topqa bólingen kópshilik oryndar qatań tekserýge jat­qyzyldy. Bul rette qalalyq İİD-niń Ekstremızmge qarsy is-áreket jónindegi basqarmasy men Jer­gilikti polısıa qyzmeti birlesip megapo­lıstegi qoǵamdyq tamaqtan­dyrý oryn­daryn, oıyn-saýyq saýda ortalyqtaryn, stadıon­dardy, sosyn balabaqshalar men mektepterdi, kolejder men ýnıver­sıtetterdi jáne basqa áleýmettik mańyz­dy nysandardy tekserip shyqty.

Bul úshin basty nazar olardyń antı­terorıstik qorǵalýyna bólindi. Ol úshin ár nysanda lańkestikke qarsy úlgili tólqujat bolýy kerek eken. Al ol qujatta atalǵan naqty ǵımarattyń aýmaǵy qansha bolýy kerektigi jáne ol qansha orynǵa laıyqtalǵany kórsetilýi qajet. Ári olardyń barlyǵy kúzet dabyly, júıeli habarlaý, qadaǵalaý jáne kirip-shyǵýdy basqarý, sondaı-aq, júıelik beınebaqylaý quraldary­men mindetti túrde jabdyqtalýy tıis bolatyn.

Mine, osy talaptar tıisti deńgeı­de oryndalmaǵan jaǵdaıda lańkestik turǵyda álsiz dep tanylǵan nysan ıesi nemese jetekshisi kináli dep tabylady jáne QR ÁJ Kodeksiniń 149-babynyń 1-tar­maǵy boıynsha jeke jáne laýazymdy tulǵalarǵa 200 AEK, al shaǵyn kásipkerlik nemese komersıalyq emes uıymdar sýbek­tileri úshin – 300 AEK, orta kásipkerlik sýbek­tileri úshin – 500 AEK jáne iri kásipkerlik sýbek­tiler úshin – 1000 AEK kóleminde aıyppul salynady.

Atalǵan tekserister qory­tyndysy boıynsha almatylyq oıyn-saýyq saýda ortalyqtarynyń ıeleri men basshy­laryna barlyǵy 20 mln. teńge kóleminde aıyppuldar salyn­ǵan. Onyń ústine, bıylǵy jyl­dyń ekinshi toqsanynda saýda ortalyq­tary men qoǵamdyq tamaq­tandyrý oryndaryn taǵy da tekserý jospar­lanǵan. Soǵan deıin birinshi tek­serýde anyqtalǵan kemshilik­terdiń bári joıylyp bitýi tıis.

Almaty aqshamy