Beıneý turǵyny ógeı balasyn óltirgeni úshin sottaldy, dep habarlaıdy Lada.kz.

Sot áıeldiń óz kinásin moıyndaǵanyn jáne onyń kámeletke tolmaǵan tórt balasynyń baryn, onyń bireýi múgedek ekenin eskerip, Tursynaı Sársenovany QR Qylmystyq Kodeksiniń 2-baby boıynsha (kámeletke tolmaǵan tulǵany ádeıi óltirý) kináli dep tapty. Sondaı-aq, onyń kinásin jeńildetetin jaǵdaılardy eskerip, QR QK-niń atalǵan babyna sáıkes oǵan eń az merzim - 15 jylǵa úkim shyǵardy.

Jasóspirimniń týǵan anasy Kámshat Qojakova jýrnalıserge úkimmen kelisetinin jetkizdi.

Tursynaı Sársenovanyń jaqyndary kerisinshe, sot sheshimin tym qatań dep eseptep, joǵary ınstasıalarǵa shaǵym túsirmek.

— Endi tórt bala anasyz, jetim qalý kerek pe? Men Tursynaıdyń jazasyn óteýin keıinge qaldyrylýyn nemese úkimniń jeńildetilýin qalaımyn. Ol jaqsy ana jáne onyń óz balalarymen de, Nursultanmen de eshqashan eshbir kıkiljińi bolǵan emes. Dál sol kúni ne bolǵanyn bilmeımin, - dedi kóz jumǵan jasóspirimniń ákesi Qaırat Asanov.

Esterińizge sala keteıik, adam óltirý oqıǵasy aǵymdaǵy jyldyń qańtar aıynda boldy. 20 jerden pyshaqtalǵan balanyń denesi qoradan tabylǵan edi.