Almaty ákimi Baýyrjan Baıbek apta saıynǵy aparattyq keńes barysynda megapolıstiń komýnaldyq salasynyń jańa basshylaryn tanystyrdy. «Almaty Sý» qalalyq kásipornynyń bas dırektorlyǵyna Ermek Úsenbaev taǵaıyndaldy. Óz kezeginde, Qýanysh Beısenbınov «Almaty jylý júıesi» JSHS-niń basshysy atandy.
Búgingi taǵaıyndaýǵa deıin Ermek Úsenbaev Almaty qalasynyń Energetıka jáne komýnaldy sharýashylyq basqarmasynyń basshysy bolǵan edi. Ol túrli jyldary Jambyl oblysy ákiminiń birinshi orynbasary, «Ońtústik» jáne «Almaty» ÁKK-lar basqarmasy tóraǵalarynyń orynbasary qyzmetterin atqardy.
«Almaty Sý» birikken kásiporny jańa basshysynyń aldyna tehnologıalyq prosesterdi avtomattandyrý, shyǵyndy ońtaılandyrý, qyzmet kórsetý sapasyn arttyrý syndy birqatar mindetter qoıyldy. Bulardan ózge, óndiristi modernızasıalaýdy, ınjenerlik jelilerdi jáne júıelerde apatty azaıtý úshin qondyrǵylardy aýystyrý jónindegi jumystardy odan ári jalǵastyrý qajet.
Buryndary «Almaty Sý» kásipornyn basqarǵan Qýanysh Beısenbınov «Almaty jylý júıeleri» JSHS-niń bas dırektory bolyp taǵaıyndaldy. Ol túrli jyldary. Astananyń Energetıka jáne komýnaldy sharýashylyq basqarmasynyń basshysy, Almaty qalasy Energetıka jáne komýnaldy sharýashylyq basqarmasy basshysynyń birinshi orynbasary jáne basqa da qyzmetterdi atqarǵan.
Jańa basshy aldyna kásiporynnyń jumys tıimdiligin arttyrý, jylýdyń normatıvti jáne normatıvten joǵary shyǵyndaryn azaıtý, óndiristik prosester men qyzmet kórsetýdii sıfrlandyrý mindetteri qoıyldy.
