Almaty qala­sy qoǵamdyq ke­ńesi­niń músheleri eki kún­nen beri shahar­daǵy avto­vok­zal­darǵa uıym­­das­tyrǵan qoǵamdyq monı­torınginiń nátı­jesi kóńil qýant­paı­tynyn jetkizdi. 

Qoǵamdyq monıtorıńten keıingi qoǵamdyq keńestiń oty­rysy qaladaǵy avtovokzaldardyń búgingi jaǵdaıy men jaı-kúıine arnalyp, qyzý pikirtalas pen syn-pikirlerge de oryn berildi.

Jınalysqa avtovokzaldar basshylary da qatysyp, aıtylǵan syn-pikirlerge jaýap berýge tyrysty.

– «Saıahat» avtovokzalynyń  kireberis jeri beı-bereket saýda. Sanıtarlyq talaptyń ıisi de sezilmeıdi. Qıraǵan azyq-túlik bazary, jappaı saýda núkteleri ornalasqan. Bálishter men sý satylady, doner men samsa­lardyń qandaı jaǵdaıda daıyn­da­lyp jatqanyn aıtpaı-aq qoı­sam da bolatyn shyǵar. Mundaı bazardy qaldyrýǵa bolmaıdy. Qalanyń ortasynda mundaı nysannyń jumys isteýine kim ruqsat berdi eken? Biz taksı­lerden basqa eshqandaı avto­býs kórmedik. Avtovokzal degen aty bolmasa, ondaǵylar taksı qyzme­tin kórsetýmen  aınalysady dep túsindik. Avtovokzal  ǵımaraty joq. Al mundaǵy dárethanalar múldem syn kótermeıdi, – degen qoǵamdyq keńestiń múshesi Beknur Qısyqovqa atalǵan avtovokzal  basshysy Ahmet Aleroev:

–       «Saıahatty» qazirgi ornynan «Jeti­sý» bazary jaqqa kóshirý týraly áńgime aıtylǵan bolatyn. Biz tek maýsym saıyn jeńil-jelpi jóndeý jumys­tarymen aına­lysamyz. Meniń ózim jaldaýshymyn, avtovokzal  egesi basqa  adam. Bazardyń bizge qatysy joq, ol qalaǵa qaraıdy, – dep jaýap berdi.

Qoǵamdyq keńes músheleriniń basa nazar aýdaryp, eń kóp esker­tý jasaǵan nysany – «Saıran» avtovokzaly  boldy.

–       Avtovokzaldyń  mártebesi halyq­aralyq bolǵany­men, ondaı talaptarǵa   saı  emes. Avtovok­zal­dyń  jalpy aýmaǵy – bes gek­tar. Ǵımarattyń ishindegi nysan­dardyń bári jalǵa beriledi. Órt qaýipsizdigi erejesi buzylǵan, órt sóndirgishtiń jaramdylyq merzimi ótip ketken. Qosalqy esikterdiń joly bógde zattarmen jabylǵan. Ǵıma­rattyń jaǵdaıy qanaǵattan­dyrarlyqsyz. Kúrdeli jóndeý jumysyn qajet etip tur. Medısı­nalyq pýnktke silteme kórsetil­megen. Qoǵamdyq tamaqtaný oryn­darynyń sanı­tar­lyq kitapshasy joq ári qyzmet­kerlerdiń ústinde arnaıy kıimi joq, – dedi qoǵam­dyq keńestiń múshesi Jumagúl Tájibekova.

«Saıran» avtovokzaly  Tasy­mal­daý bóliminiń basshysy Erlan Ábildaev qoǵamdyq tamaqtanýǵa qatysty syn-pikirlermen kelise­tindigin aıtyp, ol salada másele kóp ekendigin jetkizdi. Sońǵy 10 jylda avtovokzaldyń jóndeý jumysta­ryna 217 mıllıon teńge jumsalǵan.

Aıta ketsek, buǵan deıin qala­lyq qoǵamdyq keńes músheleri halyqaralyq «Almaty» áýeja­ıyna da osylaı qoǵamdyq monı­torıng jasap, biraz kemshilik­terdiń orny toltyrylǵan bolatyn.