2017 jylda zeınetkerlerge memlekettik kepildik retinde 12,8 mlrd. teńge tólengen.
Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte «BJZQ» AQ Óńirlik jelini damytý jáne ilespe qyzmet kórsetý departamentiniń dırektory Mamıla Qurmanjanqyzy aıtty.
Mamıla Musabekovanyń aıtýynsha, «BJZQ» AQ memlekettik aksıalar paketi Ulttyq Banktiń senimgerlik basqarýynda. Ulttyq Bank zeınetaqy aktıvterin Ulttyq Qordy Basqarý keńesimen birlese basqarady. Salymshylardyń zeınetaqy jarnalary táýekel-kiristilik balansyn múltiksiz saqtaı otyryp, dıversıfıkasıa negizinde túrli qarjy quraldaryna ınvestısıalanady. Aktıvterdiń qyryq paıyzdan astamy Qazaqstan Respýblıkasynyń memlekettik baǵaly qaǵazdaryna ornalastyrylady. Qalǵandary – ınvesdeklarasıaǵa saı elimizdiń, sondaı-aq shetel aýmaǵynda – kvazımemlekettik uıymdardyń, ekinshi deńgeıdegi bankterdiń baǵaly qaǵazdaryna, korporatıvtik oblıgasıalarǵa jáne basqa da qarjy quraldary syndy iri ınvestısıalyq baǵyttarǵa ornalastyrylady.
Salymshylar memlekettik kepildik boıynsha tólemge quqyqty zeınet jasyna jetkende alady. Sondaı-aq múgedektigi merzimsiz bolyp belgilense, İ jáne İİ toptaǵy múgedekter, Qazaqstan aýmaǵynan turaqty turýǵa ketken tulǵalar, MZJ, MKZJ aýdaryp otyrǵan sheteldikter jáne azamattyǵy joq tulǵalar, memlekettik kepildik boıynsha tólemge quqyǵy bar tulǵa qaıtys bolǵanda, muragerler ala alady,-dep aıtyp ótti ol óz sózinde.
Memleketten kepildik boıynsha tólemdi alý úshin turǵylyqty mekenjaı boıynsha «Azamattarǵa arnalǵan úkimet» Memlekettik korporasıasynyń áleýmettik tólemderdiń vedomstvoaralyq esepteý ortalyǵyna ótinishpen júginý qajet. Memlekettik kepildik somasynyń esebi ázirlengen ádisteme boıynsha ár ótinish bildirgen tulǵaǵa jeke esepteledi. Aıyrma (memlekettik kepildik) tólemi birjolǵy tólemdi bildiredi jáne ınflásıa deńgeıimen naqty engizilgen mindetti zeınetaqy jarnalary somasy jáne zeınetaqy tólemderine quqyqty alý sátine BJZQ-daǵy zeınetaqy jınaqtary (jarnalar + ınvestısıalyq tabys) somasy arasyndaǵy aıyrma retinde anyqtalady. Eger jınaq somasy ınflásıa eskerilgen jarnalar somasynan asyp tússe, onda memlekettik kepildik tólenbeıdi.
2017 jyldyń ishinde qazaqstandyq zeınetkerlerge memlekettik kepildik retinde 12,8 mlrd. teńge tólengen bolatyn. Mundaı kepildikter damyǵan elderde de kózdelmegendigin eskersek, kóptegen sarapshylar qazaqtandyq júıeni ozyq jáne ádil dep esepteıdi, - dep sózin qorytyndylady Mamıla Qurmanjanqyzy.
Almaty qalasynda 600-den astam kásiporyn mindetti kásiptik zeınetaqy jarnalaryn aýdarady.
Departament dırektorynyń aqparatynsha, Almaty – elimizdiń iri megapolısi. Bul jerde Qazaqstannyń barlyq JİÓ-siniń besinshi bóligi óndiriledi. Bul rette, Almaty qala turǵyndaryn ǵana emes, jaqyn jatqan aýdandardyń da turǵyndaryn jumyspen qamtyp otyr.
Almaty qalasyndaǵy fılıal (01.01.2018 j.) barlyq shart túri boıynsha 1,7 mln birlikke jýyq JZSH-ǵa qyzmet kórsetedi, olar boıynsha zeınetaqy jınaqtarynyń somasy – 1,54 trln. teńge, al MZJ boıynsha zeınetaqy jınaqtarynyń ortasha somasy – 908 216 teńge.
Almaty qalasynyń 600-den astam kásiporny mindetti kásiptik zeınetaqy jarnalaryn (MKZJ) aýdarady, MKZJ boıynsha jınaqtardyń jalpy somasy – 5,2 mlrd teńge nemese QR-daǵy MKZJ boıynsha zeınetaqy jınaqtarynyń jalpy kólemine 3,6 %.
Onyń ústine, 5,7 myń adamnyń erikti zeınetaqy jarnalary boıynsha shoty bar. Almaty úlesi – san boıynsha 16,1 % jáne QR erikti zeınetaqy jarnalarynyń somasy boıynsha 14,4 %,-dep atap ótti ol.
2017 jyl úshin Almaty q. baryp qyzmet kórsetý bóliminiń mamandary 1900-dan astam tusaý keserler ótkizdi, oǵan 62,5 myń adam qatysty. Aǵymdaǵy jyldyń birinshi toqsanynda tusaý keserler sany 445 qurady (13 000-ǵa jýyq adam qatysty), bul osyǵan uqsas kezeńniń kórsetkishinen 7,6 esege artyq.
Tusaý keser kezinde kásiporyn qyzmetkerleri qyzyqtyratyn saýaldaryna jaýaptar alyp, derbes derekterin jańarta alady jáne óz zeınetaqy jınaqtarynyń jaı-kúıi týraly bile alady.
Baryp qyzmet kórsetý bólimi qyzmetiniń basqa da mańyzdy baǵytynyń biri Qor keńsesine ózderi kele almaıtyn múmkindikteri shekteýli adamdarǵa qyzmet kórsetý bolyp tabylady. 2017 jyly 2409 salymshyǵa (alýshyǵa) qyzmet kórsetildi, - dep sózin túıindedi departament dırektory Mamıla Musabekova.
