Elbasynyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýynda «Jasyl» tehnologıalarǵa ınvestısıa salý úshin bıznesti yntalandyrý mańyzdy degen bolatyn. Óńirlerdiń ákimderi shaǵyn jáne orta bıznes sýbektilerin keńinen tartyp, turmystyq qatty qaldyqtardy zaman talabyna saı ýtılızasıalaý jáne qaıta óńdeý úshin sharalar qabyldaý kerek» degen bolatyn.

Sońǵy jyldary óńirimizde tozyǵy jetken kólikterdi qabyldaıtyn pýnkttiń, turmystyq qatty qaldyqtardy óńdeý oryndarynyń ashylýy, plasık shynylaryn kádege jaratýdy qolǵa alý – sonyń aıǵaǵy. Aǵymdaǵy jyly óńirimizdegi «Kama-Ortalyǵy» JSHS eskirgen avtokólik dońǵalaqtaryn tereń óńdeýden ótkizip, untaqtap, kádege jaratatyn zaýytty iske qosty. İske qosylǵan zaýyt óńirdegi ekonomıkalyq ári ekologıalyq turǵydan tıimdi ınovasıalyq jobalardyń biri bolyp sanalady.

Jańa zaýyt ıeleri qaıtalama shıkizattan daıyn ónim shyǵarýmen qatar, jol jóndeý jáne qurylystyń basqa da salalaryna arnalǵan rezeńke untaq óndirýdi josparlap otyr. Atalmysh zaýyt «Avtokombınat» JSHS-nyń óndiris ǵımarattaryn qaıta jańǵyrtý jáne zamanaýı qurylǵymen jabdyqtaý nátıjesinde iske qosylǵan. Paıdalanylǵan kóne dońǵalaqtardy qaıta óńdeýden keıingi ónimniń qoldanylý salasy da ár túrli. Tozyǵy jetken shınalar zaýytta óńdeýdiń birneshe kezeńinen ótip, keıin untaqqa aınalady. Óndirilgen rezeńke untaǵynan balalar alań- qaıy nemese sport alańyna jamylǵy retinde qoldanylatyn taptyrmas materıaldar jasalady. Bul ónim jaraqattanýdan saqtaı- dy, tozbaıdy, 80 gradýs ystyq pen sýyqqa tótep beredi. Al tósenishterdiń paıdalanylý merzimi on jyldy quraıdy. Sondaı- aq mundaı rezeńke jamylǵylar tenıs korttaryna, júgirý laqtaryna, medısına jáne balalar mekemeleriniń edenderine tóseýge óte yńǵaıly bolmaq.