Almaty qalasyndaǵy elektr energıasynyń tarıfteri eki esege azaıǵan.

Bul týraly Almaty qalasynyń Óńirlik komýnıkasıalar qyzmetiniń alańynda Qazaqstan Respýblıkasy Ulttyq ekonomıka mınıstrligi Tabıǵı monopolıalardy retteý, básekelestikti jáne tutynýshylardyń quqyqtaryn qorǵaý komıtetiniń Almaty qalasy boıynsha departamentiniń basshysy Bolat Qýanyshbekuly aıtty. 

Onyń sózine súıensek, Almaty qalasynda 2018 jyldyń 1 naýryzynan bastap táýlik zonalaryna dıfferensırlengen tarıfterdiń kúshin joıǵany barlyǵyna málim. 

Negizgi sebepterdiń biri tutynýshylardyń basym bóligi is júzinde tarıfi eń tómengi (8,38 tg.) túńgi tutynýǵa kóshýge múmkindigi joq (bıznestiń basym bóligi, ónidiris kásiporyndary, qyzmet kórsetý salasy, turmys qyzmetteri, dúkender, asqanalar, kınoteatrlar, metropolıten, bilim jáne medısına uıymdary, búdjet uıymdary, kóp qabatty úıler jáne t.b.) 

Osyǵan baılanysty, tutynýshylarǵa eń joǵarǵy dıfferensırlengen tarıfterdiń keshki ýaqyttaǵy tarıfimen 28,65 tg. jumys isteýge týra keldi. 

Joǵaryda baıandalǵannyń negizinde, 2017 jyly QR Energetıka mınıstrligimen «Elektr energetıkasy týraly» Qazaqstan Respýblıkasy Zańyna  táýlik zonalary boıynsha dıfferensırlengen tarıfterdiń kúshi týraly sáıkes zańnamaǵa ózgerister engizildi,-dedi ol. 

Bizdiń taldaýymyz kórsetkendeı, táýlik zonalary boıynsha dıfferensırlengen tarıfterdi alyp tastaý áserinen elektr energıasynyń tarıfteriniń deńgeıi eki esege azaıýynyń (ortasha tarıf 16,36tg) nátıjesinde, kásipkerlerdiń basym bóligine ońtaıly áserin tıgizedi. 

Óz kezeginde, táýlik zonalary boıynsha dıfferensırlengen tarıfterdi alyp tastaý halyqtyń basym bóligine áserin tıgizbedi. Sebebi, jeke tulǵalarǵa tutyný kólemi boıynsha dıfferensırlengen tarıfter ózgerissiz qaldy, - dep baıandady departament basshysy Bolat Sámbetov.