Óskemende Uly Abaıdyń 170 jyldyq mereıtoıy aıasynda belgili abaıtanýshy, profesor Baýyrjan Erdembekovtyń «Abaıdyń ádebı ortasy», «Árip aqyn», «Alashtyń aqıyǵy – Árip aqyn», «Bul óleń shyqqan eken birtalaıdan», «Árip Táńirbergenulynyń shyǵarmalary» kitaptarynyń tusaýkeseri ótti, - dep habarlaıdy Qamshy.kz portaly SHQO Aqparattyq ortalyǵyna silteme jasaı otyryp.

Baýyrjan Erdembekov 200-ge tarta ǵylymı baıandamalar men ǵylymı-tanymdyq maqalalar, sonymen qatar, eki monografıa, bir oqýlyq, alty oqý quraly, eki oqý-ádistemelik nusqaýdyń avtory. Oblystyq kitaphanada ótken tusaýkeserde ǵalymnyń eńbekterine bes tomdyq ǵylymı jınaq qosyldy. Sonyń ishinde 10 jyl zerttelinip, 2008 jyly basylyp shyqqan «Abaıdyń ádebı ortasy» monografıasynyń arab qarpindegi nusqasy bar. Qazaqtyń aqyn-jazýshylary men ǵalymdarynyń eńbekterine suranysy joǵary Qytaı, Túrkıa, Mońǵolıada turatyn qazaqtardyń  ótinishi boıynsha 2014 jyldyń qyrkúıek aıynda Pekın qalasyndaǵy Ortalyq Ulttyq ýnıversıtette atalmysh monografıanyń tusaýkeseri ótken.

Bes tomdyq jınaqtyń tusaýkeserine kelgen bılik jáne zıaly qaýym ókilderi, stýdentter ǵalymnyń eńbekteriniń jaryqqa shyǵýymen quttyqtap, izgi lebizderin bildirdi.

– Abaıdyń ádebı ortasy men Árip Táńirbergenulynyń shyǵarmalaryn 2000 jyldan beri zerttedim. Respýblıka ishinen bólek shettegi qandastarymyzdyń kitaptarymyzdy oqý múmkindiginiń joqtyǵy taǵy bir másele. Qytaı men Túrkıadaǵy qazaqtar arab qarpinde oqıtyndyqtan, jalǵyz óz eńbekterimdi emes, shákirtterim arqyly qazaq jazýshylary men ǵalymdarynyń birqatar eńbekterin tóte jazýǵa túsirý jumystaryn júrgizip kelemiz, – dedi B.Erbembekov.