Bilem, áli júz jylap, júz kúlermin, Úmit keship, júz márte úzdigermin. Ómirimde ótkinshi san adasyp Nebir oıdy sanamnan súzgilermin. Bilem, áli júz jylap, júz kúlermin, İrkitine aınalman izgilerdiń. Jyltyr qoǵam kúldirer biz biler myń Aqıqaty jylatar bizdiń eldiń. Bir qarasań dúnıe keń sekildi, Bári jaqut, bári de jón sekildi. Esil elim erkindik toıyn toılap Terezesi talaımen teń sekildi. Aq qaǵazǵa basylǵan núktedeı bop Jalǵyz ǵana aqymaq men sekildi. Bir qarasam shyr qoǵam bastan keshken, Qotyr túıe sekildi qashqan kóshten. Joǵarǵy jaq jaıpaı jep, paı-paı desken Tómengi jaq aıqaı kóp, astań-kesteń. Mazalaǵan uryn oı esimdi aldy, Deliqul teńselgen desim qaldy. Shyn-ótirik kúresken kúnde mynaý Bireýlerge ómirlik óshim qaldy. Dosymyzdan qaptaǵan qasymyz kóp, Maqtanamyz tarıhtyń basymyz dep. Al endeshe erlikpen kúreseıik Babamyzdyń joǵalǵan basyn izdep. Saqtan qalǵan tektilik kóne sarqyt, jet búginge kereksiń ele sharpyp. Tek biz úshin qaptaǵan kósemderden Han Keneniń basy joq denesi artyq. Zerek bólseń denińdi derekti izge erkek qaısy elim der erek bizde Dóńbastardy táýbege keltiretin Isataılar búginde kerek bizge. Armandaǵan aıdynǵa júz batarmyz, Saıqaldardyń sazaıyn syzdatarmyz. Búgin olar, al erteń biz kúlermiz Búgin tońsań bizde erteń muzdatarmyz. Ózimshilmin, sonyma ókpelimin, sónip bara jatqandaı eptep únim. Biraq batyr uldardy týdyrarmyz Eger bolsaq urpaǵy Kók Bóriniń!  

Aq kóbik shaınaǵan, Aq-jelmen oınaǵan, jylqynyń kisinegeni Keńdikke qushtar kil, Endikke tuspal bir túnderde túsime enedi. Sáıgúlik jyrymdy Janymdy-syrymdy, átteń-aı, adamdar emes móp-móldir kózderi Tek sol bir kezderi arǵymaqtar ǵana túsiner edi. Muqatyp -keketip, Keketip-muqatyp, syrtyńnan mazaqtasa da Nadandy qara!-dep, Qarany nadan-dep jońqalap, azaptasa da Tulparym sekildi jyrym da kekildi, sen shańǵytqan shabandoz kórseń Babasy taqymdap, Balasy toqymdap at mingen alyp bir-qazaqqa sana! Jalyn jel taraǵan Erime jaraǵan aıǵyrlar túsime enedi Túsime enedi İshime enedi olardyń kisinegeni Saıqyǵa mazaq bop Mazaqqa qaıqy bop júrgenim osy bir kúni Tulpar da, minez de... Syrtym saý... muń ezbe átteń-aı ishim óli edi... Ótkenge saǵynysh, Aq qusym alyp ush tulparsyz taryldy dala Qaptaǵan kólikter Kólikte ólikter mújıdi janymdy jara Jylqynyń ter ıisi Kóń qatqan jer ıisi qamshynyń taby ıisi qolyma sińgen Emis bir eske kep qalǵanda keste bop ókinish soqtyrar sanymdy ǵana...  

Jeńime jamaý túskenin Jarlylyq senen kóremin. Jaǵama qoldyń tıgenin Jalǵyzdyq senen kóremin Talabyma jetkizseń Kemshilikti bul kórgen Kúnińde baıqap kóremin! Aqtamberdi Saryuly Ómirge keldim jalpy bop Óleńge keldim jalqy bop, Káriler aqsap aqyldan, Jasymnan kirdim taqly kóp Jaýqyzyn jyrym jas taldaı Jasynmyn desem jasqanbaı Jaqsynyń aty aspandaı Jamannyń ózi bos qandaı?! Aqtan jyraýym degendeı Óleńge tulpar kógendeı Qambanyń jemin jegendeı Tobyńdy jaryp men keldim Ineden úlken tebendeı Betegen jaldy bekterdiń Daladaı darqan tekti eldiń Armanyna jaralǵan Sarqynshaǵy bop keldim Teńizge tamǵan tamshydaı Tobylǵy sapty qamshydaı Men týǵan kúni zarlapty Zapyran jutqan san shyǵaı Jeńińe jamaý saldyrmaı Jaǵańdy jaýǵa aldyrmaı Elim dep týyp, el úshin Atymnyń basyn shaldyrmaı Qyzmet etsem dep keldim! Ómirdiń qylyn shertken muń Óleńge ǵana sert berdim!

Jas aqyn, jýrnalıs, "Ómirge óleń ákele berem" jyr jınaǵynyń avtory. Birneshe Halyqaralyq jáne Respýblıkalyq jyr músháıralarynyń dıplomanty. Qazaqstan Jazýshylar odaǵy men DA platformasynyń arnaıy M.Maqataev syılyǵynyń ıegeri. Halyqaralyq "M.Jumabaev" ádebı birlestiginiń múshesi. Respýblıkalyq "Arqas alýy" ádebı birlestiginiń múshesi.