Túrkistan qalasyna aǵymdaǵy jyldyń úsh aıynda 300 myńǵa jýyq  týrıs kelgen. Onyń ishinde bes myńǵa jýyǵy shetel azamattary. Bul týraly Óńirlik komýnıkasıalar qyzmetinde ótken brıfıńte Túrkistan qalasynyń ákimi Tájibek Musaev málim etti, dep habarlaıdy Qamshy.kz aqparat agenttigi Qazaqparat málimetine súıenip. 

Kıeli shahar ákiminiń sózinshe, týrızm salasynda 1 mlrd 689,3 mln teńge tabys túsip, qala ekonomıkasynyń ulǵaıýyna úlesin qosqan. Al, ótken jyly qasıetti qalaǵa 1 mln-ǵa tarta  týrıs keldi. Qazirgi tańda qala halqynyń sany 263 myńnan asady.

Tájibek Musaev budan ózge jyl basynan beri shaǵyn jáne orta kásipkerlikpen aınalysatyn 13 405 sýbekt tirkelgenin atap ótti.

—Búgingi tańda naqty jumys istep turǵan belsendi kásipkerlik nysandarynyń sany 13 myńnan assa, jumyspen qamtylǵan adamdar 34 myńdy qurap otyr. Al, atalǵan saladaǵy ónim kólemi 19648,9 mln teńgege jetken. Qaladaǵy  ónim kólemi 2,6 paıyzǵa artyp otyr, - dedi Tájibek Qalmanuly.