«QTJ» UK» AQ-da óndiriske usynystary engizilip, ekonomıkalyq tıimdilik ákelgen úzdik rasıonalızatorlarmen kezdesý ótkizildi, dep habarlaıdy Qamshy.kz aqparat agenttigi «QTJ «UK» AQ baspasóz qyzmetine silteme jasaı otyryp.
2017 jyly Ulttyq tasymaldaýshy kompanıanyń qurylymdyq bólimshelerinde óndiriske 255 rasıonalızatorlyq usynys engizildi. Óndiristi jetildirý jobalary negizinen, jol qozǵalysy qaýipsizdigin qamtamasyz etý, ekologıa, eńbekti qorǵaý, jylý-ekonomıkalyq resýrstardy únemdeý jaılaryna arnaldy. Jańa sheshimder jóndeý jumystaryn jaqsartý jáne jyljymaly quram tartymyn paıdalanýǵa arnaldy. Sonyń nátıjesinde 435 mıllıon teńge únemdilikke qol jetkizildi.
«QTJ-Júk tasymaly» AQ qurylymdyq bólimsheleri arasyndaǵy úsh júzge jýyq ónertapqyshtardyń ishinde Aqmola, Qostanaı, Pavlodar, Semeı, Almaty, Shymkent júk tasymaly bólimsheleriniń rasıonalızatorlary belsendilik tanytty.
«QTJ –Júk tasymaly» AQ tehnıkalyq saıasat jónindegi vıse-prezıdentiniń mindetin atqarýshy Ivan Kostyrányń aıtýynsha, Kompanıada tehnıkalyq shyǵarmashylyqty damytý men rasıonalızatorlyq usynystardy qoldaýǵa erekshe kóńil bólingen.
«Rasıonalızatordyń usynysyn baǵalaý kezinde negizinen, ekonomıkalyq tıimdiligi, jańashyldyǵy, daralyǵy, óndiriske engizilgennen keıingi bolashaǵyna taldaý júrgiziledi»,-dep atap ótti I. Kostyrá.
-Rasıonalızatorlyq usynystardy qoldaýsyz jańashyldyqqa qol jetkizý múmkin emes. Bizdiń aldymyzda temirjol kóligi eńbekkerleriniń tehnıkalyq shyǵarmashylyǵyn kóterip, óz eńbeginiń jemisin kórýge moraldyq jáne materıaldyq yntalandyrý maqsatyn ustanyp otyrmyz. Aldaǵy ýaqytta «QTJ-Júk tasymaly» AQ «20 úzdik rasıonalızatorlyq usynys» reıtıńin engizýdi josparlap otyr. Sonyń negizinde jańashyldyq sheshimderdiń ıeleri kadrlyq qorǵa tirkeledi. Rasıonalızatorlardyń laýazymdyq basqyshtarmen tabysty kóterilýine yqpal etetin bolady»,-dep túsindirdi I. Kostyrá.
Úzdik rasıonalızatorlyq jumystardyń avtorlaryna syıaqy tabys etiledi. Marapat kólemi rasıonalızatordyń óndiriske engizgen jańashyldyǵynyń tıimdiligi mólsherine, tehnıkalyq tapsyrmany oryndaýdaǵy sheshiminiń kúrdeliligine, onyń engizilý kólemine, odan túsetin ekonomıkalyq kiris te esepteledi.
2017 jyly rasıonalızatorlarǵa 15 mıllıon teńge syıaqy berilse, bıylǵy alǵashqy toqsannyń ózinde osy maqsatqa 3 mıllıon teńge jumsaldy.
Rasıonalızatorlarmen kezdesý kezinde jańashyldardyń birqatary óz oılaryn ortaǵa saldy. Qostanaı vagon paıdalaný deposynyń tehnıkalyq qyzmet kórsetý beketiniń bastyǵy Marat Nurǵalıev, jeliniń aınalyp ótetin «jeńin» qoldanýdyń balamaly nusqasyn jasady.
«QTJ-Júk tasymaly» AQ fılıaly – «Qaraǵandy júk tasymaly bólimshesi» Óndiristik-tehnıkalyq bóliminiń bastyǵy Aqyl Bilálovtiń aıtýynsha, ózderiniń óndiristik jańashyldyǵy arqyly 49 mıllıon teńgeniń ekonomıkalyq tıimdiligine qol jetkizdi. Onyń tehnıkalyq sheshimi Astana-Qyrqynshy qýma jolyndaǵy kópir qurylysyn júrgizý kezinde qoldanyldy.
2017 jyly «QTJ» UK» AQ qurylymdyq bólimsheleri men enshiles kásiporyndary barlyǵyn qosqanda 1167 rasıonalızatorlyq usynystar óndiriske engizildi.
