Búgin, Túrkistanda Ahmet Iasaýı ýnıversıtetinde Qazaqstan matematıkteriniń «Matematıkanyń ózekti máseleleri» taqyrybyndaǵy ǵylymı konferensıasy óz jumysyn bastady.
27-28 sáýir kúnderi ótetin ǵylymı sharaǵa Qazaqstannyń barlyq joǵary oqý oryndary men ǵylymı-zertteý ınstıtýttarynyń ǵalymdary, ǵylym men tehnıka salasyndaǵy Memlekettik syılyqtyń ıegerleri, QR UǴA-nyń akademıkteri, korespondent-músheleri, ǵylym doktorlary, profesorlar, ǵylym kandıdattary, doktoranttar men magıstranttar qatysýda.
Konferensıanyń plenarlyq májilisinde QR BǴM Ǵylym komıtetiniń «Matematıka jáne matematıkalyq modeldeý» ınstıtýtynyń Bas ǵylymı qyzmetkeri, QR UǴA akademıgi A.S.Jumadildaev «Tórtqara algebrasy», L.N.Gýmılev atyndaǵy EUÝ-dyń Eýrazıalyq matematıka ınstıtýtynyń dırektory, QR UǴA akademıgi M.Ó.Ótelbaev «Eınshteın teorıasynyń problemalary», QR BǴM Ǵylym komıtetiniń «Matematıka jáne matematıkalyq modeldeý» ınstıtýtynyń Bas dırektory, QR UǴA akademıgi T.Sh.Kalmenov «Aprıornye osenkı reshenıı ýravnenıı Nave-Stoksa metodom podvıjnyh koordınat», L.N.Gýmılev atyndaǵy Evrazıa Ulttyq ýnıversıtetiniń «İrgeli matematıka» kafedrasynyń profesory, QR UǴA akademıgi O.R.Oınaruly «Vesovoe neravenstvo ı svoıstva odnogo klassa dıfferensıalnyh ýravnenıı», Abaı atyndaǵy Qazaq Ulttyq pedagogıkalyq ýnıversıtetiniń pedagogıkalyq bilimdi damytý ortalyǵynyń dırektory, QR UǴA korespondent-múshesi A.E.Abylqasymova «Sovershenstvovanıe metodıko-matematıcheskoı podgotovkı býdýshego ýchıtelá v ýslovıah realızasıı obnovlennogo soderjanıa shkolnogo obrazovanıa» taqyrybynda baıandama jasady. Sondaı-aq, osy esimderi atalǵan ǵalymdar jáne QR UǴA akademıgi, Qazaq-Brıtan tehnıkalyq ýnıversıtetiniń profesory S.N.Harın, QR UǴA korespondent-múshesi, profesor B.Q.Qadyruly quttyqtaý sóz sóılep, konferensıany uıymdastyrýshylarǵa, oqý orda basshylaryna alǵystaryn bildirdi.
Konferensıada 6 seksıa jumys jasaýda: Dıfferensıaldyq teńdeýler; Matematıkalyq fızıka teńdeýleri; Fýnksıalar teorıasy jáne fýnksıonaldyq taldaý; Algebra, matematıkalyq logıka jáne geometrıa; Matematıkalyq jáne kompúterlik modeldeý, aqparattyq tehnologıalar; Qazirgi zamanǵy matematıkalyq bilimniń ózekti máseleleri.
