Astanada qundy qujattar shań basqan muraǵat sórelerinen jaryqqa shyǵyp, kópshilik nazaryna usynyldy.

Abylaı hannyń Reseıdegi patsha saraıyna ulyn jiberý jónindegi haty, Patshaıym Ekaterına Alekseevnanyń 1777 jyly 22-jeltoqsanda shyǵarǵan buıryǵy jáne Kenesary hannyń ólimi jaıly ortalyqqa jiberilgen habarlamamen turǵyndar tanys boldy.

Hattar Reseıdiń Omby men Orynbor qalalarynan ákelingen eken. Birazy eski slaván tilinde jazylǵan.

"Ábilhaıyrdyń hannyń arab qarpinde jazylǵan haty, Kenesary Qasymulynyń, Nuraly hannyń hattary bar. Onyń han bolyp saılanýy jáne Abylaı hannyń uldary Súıek sultan jaıly derekter bar", - deıdi Astana qalasy memlekettik muraǵatynyń bólim meńgerýshisi Baqytjan Aqtaılaq.

Olar áli ǵylymı aınalymǵa engizilgen joq, zertteýshiler tarapynan taldaý jasalynǵan joq. Al bul qujattardy kórýge kelgender tálimge toly jıyn ótkizip, qazaq handyǵy jaıly mol aqparatqa qanyq boldy.