1. Jalpy erejeler

1. Osy Ereje start-ap jobalar baıqaýynyń (budan ári - Baıqaý) maqsatyn, mindetterin, qatysýshylar sanatyn, ótkizý tártibi men talaptaryn anyqtaıdy.

2. Baıqaý uıymdastyrýshysy – «Ordabasy film» JSHS, Shymkent qalasynyń kásipkerlik bólimi (budan ári - Uıymdastyrýshy).

3. Baıqaýǵa qatysýǵa ótinimder 2018 jyldyń 11 mamyrdan bastap qabyldanady. Ótinimderdi qabyldaý 2018 jyldyń 18 mamyrǵa deıin jalǵasady.

4. Osy Ereje baıqaýǵa qatysýǵa úmitker, qyzyǵýshylyq tanytýshy tulǵalardyń barlyǵyna tanysý úshin usynylady. Erejeler buqaralyq aqparat quraldaryna jarıalanady.

2.      Baıqaýdyń maqsaty men mindetteri

5. Baıqaýdyń maqsaty – elimizdiń ekonomıkasynyń turaqty damýyn qamtamasyz etetin úzdik jobalar men tehnologıalardy anyqtaý jáne ǵylymı-ınnovasıalyq qyzmetke qyzyqtyrý arqyly jastardyń shyǵarmashylyq qabiletterdi arttyrý. Jastardy kásipkerlikke baýlý.

6. Baıqaýdyń mindetteri:

• ǵalymdardyń, ınjenerlik-tehnıkalyq           jumysshylardyń, ónertapqyshtardyń, aspırant, stýdentter men oqýshylardyń ınovasıalyq ǵylymı-zertteý qyzmetin yntalandyrý;

• jastardy ǵylymı-zertteý qyzmeti men ǵylymı-tehnıkalyq shyǵarmashylyqqa baýlý;

• jastardyń zıatkerlik áýletin Qazaqstan Respýblıkasynyń ǵylymı- tehnıkalyq jáne áleýmettik-ekonomıkalyq tapsyrmalaryn sheshý jolynda qoldanýǵa jaǵdaı jasaý;

• otandyq ınovasıalyq jobalardy iske asyrýda kómektesý, olardyń komersıalandyrýyna jáne ulttyq kásiporyndarda engizýge kómektesý;

• energıa jáne resýrs únemdeý tehnologıalardy, ǵylymdy qajet etetin ekonomıkany damytýǵa    baǵyttalǵan    progresıvti    jáne    jańashyl jobalardy qoldaý.

3. Baıqaý baǵyty

7. Baıqaýǵa qatysýǵa kelesi taqyryptardaǵy ınovasıalyq jobalar qabyldanady:

• qazaq tiliniń latyn álipbıine kóshýi;

• jasyl energetıka (energetıka jáne energıany únemdeý);

• hımıalyq tehnologıa, nanotehnologıa jáne bıotehnologıa;

• ónerkásiptik jáne qurylystyq tehnologıa jáne óndiris;

• agroınnovasıa (ónerkásiptik tehnologıa jáne óndiris);

• IT jáne avıaǵarysh tehnologıasy;

• medısına, medısınalyq tehnıka jáne tehnologıa, farmasıa;

• tabıǵatty tıimdi paıdalaný, resýrsty únemdeý;

• robototehnıka;

• jol qozǵalysynyń qaýipsizdigi;

• úzdik laıfhak;

• 3D baspa jáne jańa materıaldar;

• gadjetterge arnalǵan mobıldik qosymshalar;

• ekologıalyq ınovasıa;

• nanoımpýls – nanotehnologıadaǵy ınovasıa;

• bilimdegi ınovasıa.

8. Jalpy júlde qory 4 000 000 teńge.

Birinshi oryn – 2000000 tenge

Ekinshi oryn – 1000000 tenge

Úshinshi oryn – 600000 tenge

Yntalandyrý (8 joba) –  50000 tenge

4. Baıqaý qatysýshylary

9. Baıqaýǵa 14 jáne 29 jas aralyǵyndaǵy Qazaqstan Respýblıkasynyń rezıdentteri qatysa alady.

10. Baıqaýǵa qatysýǵa jobanyń bir avtorymen qatar, 3 adamnan aspaıtyn avtorlar toby (avtorlyq toptyń jetekshisi anyqtalýy tıis) da jiberiledi.

11. Ár qatysýshy bir ótinim jibere alady.

12. Baıqaýǵa referat túrindegi jumystar qabyldanbaıdy.

13. Baıqaýǵa jańa materıaldar, ónimder, prosester, qurylymdar, qyzmetter, júıeler nemese ádister jáne olardyń odan ári jetildirýi, nátıjelerin komersıalyq                      turǵyda   qoldanýǵa   baǵyttalǵan   ǵylymı jobalar usynylady.

14. Baıqaýǵa qatysýshylar mynalardy júzege asyrýǵa quqyly: Baıqaýdyń ótkizilý sharttary men tártibi týraly aqparat alýǵa; Ereje tarmaqtary boıynsha Uıymdastyrýshylarǵa júginýge; Baıqaýǵa qatysýǵa materıaldar jiberýge.

15. Baıqaý qatysýshylarynyń mindetteri:

Baıqaýǵa qatysýǵa usynylǵan Baıqaýdyń mindetteri men talaptarymen tanysý; Osy Erejedegi talaptarǵa sáıkes rásimdelgen materıaldardy ýaqytyly usyný;

osy Erejede qarastyrylǵan erejeler men prosedýralardy saqtaý.

16. Baıqaýǵa qatysýshylar kelesiler úshin jaýapty:

materıaldar men túıindemede kórsetilgen aqparattardyń shynaıylyǵyna qoıylatyn talaptardy buzǵany úshin;

osy Erejede belgilengen sharttardy, erejeler men prosedýralardy saqtamaǵany úshin.

5. Baıqaý uıymdastyrýshysy

17. Uıymdastyrýshy:

Baıqaý týraly osy Erejeniń talaptaryna sáıkesizdikterdi negizge ala otyryp, úmitkerdi baıqaýǵa qabyldamaýǵa quqyly.

18. Uıymdastyrýshynyń mindetteri:

barlyq qatysýshylar úshin teń jaǵdaı jasaý; Baıqaýdy ótkizýdiń jarıalylyǵyn qamtamasyz etý; Baıqaýdyń nátıjeleri týraly málimetterdiń ýaqytynan buryn jarıa etilýine jol bermeý.

19. Baıqaý jeńimpazyn anyqtaý maqsatynda Uıymdastyrýshy qatysýshylardan qosymsha aqparat suratýǵa quqyly.

6. Konkýrstyq komısıa

20. Baıqaýdy qorytyndylaý úshin Konkýrstyq komısıa qurylady.

Konkýrstyq komısıa belgili qoǵam qaıratkerleri, memlekettik organdar ókilderi, kásipkerlerden qurylady.

21. Konkýrstyq komısıa quramy Shymkent qalalyq kásipkerlik bóliminiń basshysynyń buıryǵymen bekitiledi.

22. Baıqaýdyń Konkýrstyq komısıasy:

• ınovasıalyq krıterııleri boıynsha jobalardy irikteıdi;

• Baıqaýǵa usynylǵan jobalardy saraptaıdy;

• qatysýshylardyń jobalaryn baǵalaý krıterııleri boıynsha baǵalaıdy;

• Konkýrstyq komısıasynyń baǵalaý nátıjeleri boıynsha Qurama keste jınaqtaıdy.

23. Baıqaýdyń Konkýrstyq komısıasy:

• irikteýden ótken qatysýshylardyń jobalary boıynsha baıandamalardy tyńdaıdy;

• qatysýshylardyń jobalaryn baǵalaý krıterııleri boıynsha baǵalaıdy;

• osy Erejede sıpattalǵan Baıqaýdyń nomınasıalary boıynsha jeńimpazdardy anyqtaıdy.

24. Baıqaýǵa qatysýǵa jiberilgen ótinimder boıynsha aqparatty anyqtaý maqsatynda Konkýrstyq komısıalar Baıqaý qatysýshylarynan qosymsha aqparat suratýǵa quqyly.

7. Ótinimge qoıylatyn talaptar

25. Materıaldar memlekettik jáne orys tilderinde qabyldanady.

26. Baıqaýǵa qatysýǵa ótinim ishinde kelesi aqparat bolý kerek:

• osy Erejeniń 1 Qosymshasyna sáıkes forma boıynsha qatysýshynyń saýalnamasy;

• jobanyń sıpattamasy, quramynda: jobanyń ataýy;

jobanyń tematıkalyq baǵyty;

jobanyń júzege asyrylýy orny; jobanyń maqsaty men mindetteri; jobanyń ózektiligi;

áleýmettik-ekonomıkalyq tıimdiligi;

tehnıkalyq sıpattamalary men tehnologıalardyń baıandaýy; zıatkerlik menshik jónindegi aqparat (bar bolǵan jaǵdaıda).

26. Bar bolǵan jaǵdaıda zıatkerlik menshik quqyǵyn rastaıtyn qujattar (patentter, sertıfıkattar jáne t.b.), minezdeme, pikir, jobaǵa qatysty hattamalar, BAQ-ta, resmı ǵylymı mekemeler jáne memlekettik organdar

saıttarynda jarıalanǵan aqparattarǵa siltemeler (bar bolǵan jaǵdaıda) Portable Document Format formatynda skanerlengen túrde osy ótinimge qosa tirkeledi.

27. Jobanyń endirilgen tájirıbeli úlgisi bar bolǵan jaǵdaıda eskız, syzba, nusqama, sýretter, vıdeo (3 mınýttan aspaıtyn), grafık, esepteme, testileýdiń esebi (akt jáne hattama) jáne t.b. qosa tirkeý qajet.

28. Jobalar Uıymdastyrýshyǵa habarlandyrýda kórsetilgen merziminen keshiktirilmeı usynylýy tıis. Baıqaý taqyryptaryna saı kelmeıtin jáne ýaqytynan keıin jiberilgen materıaldar Baıqaýǵa jiberilmeıdi. 29.Baıqaýǵa jiberilgen materıaldar keri qaıtarylmaıdy.

8. Baıqaýdyń ótkizilý tártibi men sharttary

30. Baıqaýǵa qatysýǵa   ótinimder   2018   jyldyń   18   mamyrǵa   deıin startup@bk.ru elektrondy mekenjaıda qabyldanady.

31. Baıqaýǵa ótinim jibergender Uıymdastyrýshyǵa Baıqaýǵa qatysý

jónindegi    ótinimdi    daıyndaý    men    rásimdeý    máseleleri    boıynsha habarlasýǵa quqyly.

32. Ótinimderdi tirkeýden      keıin,      Baıqaý      Uıymdastyrýshysy materıaldardy jınaqtap, Konkýrstyq komısıaǵa usynady.

33. Baıqaýdyń ótkizilý tártibi:

Baıqaýdyń I kezeńindegi ótinimderdi qaraý Konkýrstyq komısıasymen

júrgiziledi. Konkýrstyq komısıa músheleriniń baǵalaý qorytyndylary boıynsha árbir ótinim jınalǵan baldaryna baılanysty iriktelip, eń joǵary balǵa ıe 11 qatysýshy jobanyń II kezeńine ótkiziledi. Eger eki nemese odan kóp qatysýshy birdeı bal jınasa, I kezeńniń jeńimpazdary Konkýrstyq komısıa músheleriniń ashyq daýysqa salýymen anyqtalatyn bolady.

34. Baıqaýdyń II kezeńinde qatysýshylar óz jobalaryn aýyzsha baıandama jáne prezentasıa túrinde usynady. Ýaqyt tártibi – 6 mınýttan aspaýy tıis.

Baıqaý jeńimpazdaryn anyqtaý qatysýshylardyń prezentasıasy men baıandamalaryn baǵalaý qorytyndylary boıynsha júzege asyrylady.

35. Otyrysqa Konkýrstyq komısıa músheleriniń kópshiligi qatysqan jaǵdaıda onyń jumysy zańdy, al sheshimderi naqty bolyp tabylady.

36. Baıqaý qatysýshylary jobalarynyń baǵalaý qorytyndylary komısıa hatshysyna tapsyrylyp, qorytyndylar hattamasyna jınaqtalady.

Jobalardy baǵalaý boıynsha otyrysqa qatysqan Konkýrstyq komısıa músheleri jáne Konkýrstyq komısıa hatshysy qorytyndylar hattamasyna qol qoıady.

9. Baıqaýǵa qatysý jónindegi ótinimderdi baǵalaý krıterııleri

37. Birinshi kezeńge jiberilgen ınovasıalyq jobanyń negizgi baǵalaý ólshemderi:

Baıqaý qatysýshylarynyń ótinimderin baǵalaý krıterııleri: Inovasıalyq jobanyń jańalyǵy jáne biregeıligi; Inovasıalyq jobanyń áleýmettik mańyzdylyǵy; nysanaly aýdıtorıasy, ataýlyǵy;

bızneste    jumys    isteý    tájirıbesi    (uqsas    bıznestegi    jumys tájirıbesiniń bolǵany jaqsy).

38. Baıqaý qatysýshylarynyń ótinimderin baǵalaýdyń ár krıterııi 0- den (nólden) 2-ge (ekige) deıingi baldarmen baǵalanady, mundaǵy 0 (nól) – ótinimniń krıterııge tolyqtaı sáıkes kelmeıtinin, 1 (bir) – krıterııge ishinara sáıkes keletinin, 2 (eki) krıterııge tolyqtaı sáıkes keletinin bildiredi.

39. Qandaı da bir krıterıı boıynsha aqparattyń az bolýy nemese joqtyǵy tutas alǵanda ınovasıalyq jobaǵa berilgen baldyń tómendeýine áser etedi. Sarapshylardyń qorytyndysynda kórsetilgen qorytyndy baǵa ár baǵalaý krıterııi úshin jınalǵan baldar qosyndysynan qurylady.

40. Baldarynyń sany teń túsken ótinimder bolǵan jaǵdaıda, Baıqaý qatysýshylaryn aıqyndaý jónindegi sheshimdi Baıqaý komısıasynyń músheleri qabyldaıdy.

41. Ekinshi kezeńge jiberilgen ınovasıalyq jobanyń negizgi baǵalaý ólshemderi:

Baıqaýqatysýshylarynyń prezentasıalarynbaǵalaý krıterııleri: Inovasıalyq jobanyń jańalyǵy jáne biregeıligi; Inovasıalyq jobanyń áleýmettik mańyzdylyǵy;

ashylatyn jumys oryndarynyń sany;

is       júzindegi   nátıjelerge     baǵdarlanýy:    ótelimdiligi, rentabeldiligi, tólem qabilettiligi jáne t.b.;

nysanaly aýdıtorıasy, ataýlyǵy; básekelesteri;

bızneste    jumys    isteý    tájirıbesi    (uqsas    bıznestegi    jumys tájirıbesiniń bolǵany jaqsy).

42. Baıqaý laýreatynyń bıznes-ıdeıasyn baǵalaýdyń ár krıterııi 1-den (birden) 10-ǵa (onǵa) deıingi baldarmen baǵalanady.

43. Baldarynyń sany teń túsken Baıqaý qatysýshylarynyń prezentasıalary bolǵan jaǵdaıda, Baıqaý laýreattaryn aıqyndaý jónindegi sheshimdi Baıqaý komısıasynyń músheleri qabyldaıdy.

10. Baıqaý qorytyndylaryn shyǵarý

44. Baıqaýdyń ekinshi     kezeńine     ótken     barlyq     qatysýshylarǵa sertıfıkattar tabys etiledi.

45. Baıqaýdyń úshinshi     kezeńine     ótken     barlyq     qatysýshylarǵa sertıfıkattar tabys etilip, jeńimpazdarǵa qarjylaı syıaqylar beriledi.

11.      Baıqaýdy ótkizý ýaqyty men kezeńderi

• kezeń (2018 jylǵy 11 – 2018 jylǵy 18 mamyr) Baıqaýǵa qatysý úshin ótinimderdi qabyldaý jáne tirkeý, jobalardy saraptaý jáne irikteý, konkýrstyq irikteý;

• kezeń (2018 jylǵy 19 mamyr) Baıqaýdyń nátıjelerin bekitý, jeńimpazdardy marapattaý;

12. Medıa-resýrstar

Baıqaýdyń aqparattyq qoldaýyn medıa-resýrstary, aqparattyq seriktesteri qamtamasyz etedi.

13.     Uıymdastyrýshynyń baılanys aqparaty

Baıqaý Uıymdastyrýshysy: Baıqaýǵa  qatysý  úshin  Shymkent  qalasy, 8 móltekaýdany, úı 7a, «Ordabasy film» JSHS-niń keńsesinde ótinim úlgisin toltyrý qajet nemese (el.pochta – ishymkent.startup@bk.ru) joldaý qajet.