Shymkenttegi oblystyq klınıkalyq aýrýhananyń janyndaǵy oftolmologıa bólimi jańartyldy.

Eski ǵımarat úsh aıda kúrdeli jóndeýden shyqty. Jańa emhana zamanaýı quraldarmen jabdyqtalyp, keshendi medısınalyq aqparat júıesi iske qosyldy. Jóndeýge jumsalǵan qarajattardy oblystyq aýrýhana óz búdjetinen bóldi.

«Vıtreorentıldik hırýrgıa - oftalmologıalyq hırýrgıanyń kúrdeli tarmaǵy. Otanyń osy túri qazir tek Astana men Almatyda jasalady. Osyǵan baılanysty naýqastar ota jasatý kezegin birneshe aılap kútedi. Bizdiń dárigerlerimiz osyndaı ota jasaýdy meńgerse, OQO jáne oǵan taıaý óńirlerdiń turǵyndaryna der kezinde sapaly oftalmologıalyq kómek kórsetý múmkindigi týady», - deıdi densaýlyq saqtaý basqarmasynyń ókilderi.

Budan tys, oblystyq klınıkalyq aýrýhananyń qabyldaý bóliminde jańa 3N júıesi engizildi. Júıege sáıkes, aýrýhanaǵa kelgen naýqastar qyzyl, sary jáne jasyl dep atalatyn sanattarǵa bólinip, olarǵa shuǵyl medısınalyq kómek kórsetý tártibi belgilenip otyrady.