"Qazaqfılm" kınostýdıasynyń shyǵarmashylyq toby «Qazaq eli» týyndysynyń «Altyn taq» dep atalatyn İİ-maýsymyn Ońtústikte túsirýdi josparlaǵan bolatyn. Osyǵan baılanysty óńirge arnaıy saparmen kelip, oblys ákimi Janseıit Túımebaevqa fılmdi tarıhı oryndarda túsirýge baılanysty qoldaý kórsetý jaıyn sóz etti. Nátıjesinde búginde túsirilim jumystary Túlkibas aýdanynda bastaldy.

Aıta keterligi, fılmniń bul maýsymy 10 serıadan turady. Túlkibas aýdany, Iirsý aýyly mańyndaǵy Taqıatóbe jerinde ótip jatqan túsirilimge 500-ge jýyq adam jumyldyrylǵan. Senarı avtorlary: Smaǵul Elýbaı men Tımýr Jaqsylyqov. Týyndynyń bas rejıseri Rústem Ábdirashev Ońtústik óńiriniń tabıǵı ereksheligi men tarıhı róli fılm úshin mańyzdy ekendigin jetkizdi.

«Qazaq eli» týyndysynyń İİ-maýsymynyń alǵashqy 5 serıasy Almaty oblysynyń Talǵar aýdanynda bastaldy. Keıingi bólimderi osy Ońtústik óńirinde túsirilip jatyr. Munda Kereı men Jánibektiń jáne Ábilqaıyr áskerleriniń shaıqasy, Qaztýǵannyń kóshi, Qasym hannyń amanattan oralýy syndy epızodtary taspalanýda. Aldaǵy ýaqytta Túrkistan qalasynda Jánibektiń han taǵyna otyrýy syndy kórinisterdi túsiretin bolamyz. Osy túsirilim jumystaryna atsalysqan oblys basshysy Janseıit Qanseıitulyna alǵys bildiremiz», - dedi R. Ábdirashev.

«Qazaq eli» fılminiń Ońtústiktegi túsirilim jumystary maýsym aıyna deıin jalǵasady. Tarıhty tanystyryp, tekti tanytatyn tarıhı týyndy aǵymdaǵy jyldyń jeltoqsan aıynda kópshilik nazaryna usynylatyn bolady.