Ońtústik Qazaqstan oblysyndaǵy Maqtaaral aýdanynda kóktemgi dala jumystary aıaqtaldy. Aq altynnyń otany sanalatyn óńirde bıyl sharýalar 86 820 gektarǵa maqta dánin septi.

Aýdan ákimi Jamantaı Beısenbaevtyń aıtýynsha, myrzashóldik dıqandar 9 169 gektarǵa dándi jáne dándi-burshaqty, 201 gektarǵa maıly daqyldar ekken. Al,  3 692 gektarǵa mal azyqtyq jáne 31 myń gektardan astam jerge kókónis-baqsha daqyldary sebildi.

«Bıyl Maqtaaral aýdanyndaǵy kóktemgi dala jumystaryna memleket tarapynan jeńildetilgen baǵamen 8 300 tonnadan astam janarmaı bólinse, búginde onyń basym bóligi sharýalarǵa úlestirilip berilgen. Sondaı-aq, sharýalar bıyl tuqymdyq shıt tapshylyǵyn sezinbedi. Arnaıy jumys toby kóktemgi dala jumystaryna qajetti 3,2 myń tonna shıtti artyǵymen daıyndap berip, sonyń 2, 7 myń tonnasy kóktemgi egiske jumsaldy», - dedi Jamantaı Qanaıuly.

Sonymen qatar, bıyl Maqtaaral aýdanynda aýyl sharýashylyǵy ónim kólemin arttyrý josparlanyp otyr. Onyń ishinde egin sharýashylyǵynyń ónimin 80,5 mln, al mal sharýashylyǵy ónimin 23,45 mıllıon teńgege jetkizý kózdelgen.