Shymkent munaı óńdeý zaýytynda júrgizilgen kúrdeli jóndeý jumystary aıaqtaldy.

«PetroQazaqstan Oıl Prodakts» JSHS baspasóz qyzmetiniń málimetinshe, zaýyttyń ári qaraı uzaq merzimge toqtaýsyz jáne apatsyz jumys isteýin qamtamasyz etý maqsatynda negizgi jáne qosalqy sehtardyń tehnologıalyq jáne sorapty-kompressorlyq jabdyqtary jóndelgen. Qubyr jelileri men óndiristik peshteri, elektr jabdyqtary men baqylaý-ólsheý aspaptary, sondaı-aq avtomatıka quraldary tehnıkalyq kýálandyrýdan jáne jóndeýden ótkizilgen. Budan bólek, birlesip jumys júrgizý josparyna sáıkes árekettegi tehnologıalyq qondyrǵylar men zaýytty jańǵyrtý jobasy aıasynda salynǵan iri tehnologıalyq nysannyń - RFCC katalıtıkalyq krekıng qondyrǵysy kesheniniń jańa qondyrǵylaryn bir-birine biriktirip, qosý jumystary júrgizildi. Kúrdeli jóndeý jumystary aıaqtalǵannan keıin óndiristiń tehnologıasyna jáne qaýipsizdik erejelerine sáıkes zaýyttyń tehnologıalyq qondyrǵylary iske qosylyp, taýarly ónim shyǵaryla bastaǵan. 

Aıta keteıik, buǵan deıin atalǵan zaýyttyń kúrdeli jóndeý jumystarynyń bastalýyna baılanysty ýaqytsha toqtatylǵanyn habarlaǵan bolatynbyz. Zaýytty jańǵyrtý jumystary barysynda RFCC katalıtıkalyq krekıng kesheniniń jańa nysandary men shymkenttik MÓZ-diń qoldanystaǵy nysandaryn ıntegrasıalaý boıynsha is-sharalardy atqarý josparlanǵan edi.