Ońtústik Qazaqstan oblysynda quqyqbuzýshylyq profılaktıkasy jónindegi vedomstvoaralyq komısıasy men zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń birlesken otyrysy ótti.
Aımaq basshysy Janseıit Túımebaevtyń tóraǵalyǵymen ótken otyrysqa vedomstvoaralyq komısıa músheleri, oblystyq basqarma basshylary, aýdan, qala ákimderi jáne prokýrorlar, ishki ister organdarynyń, jergilikti polısıa qyzmetiniń basshylary qatysty.
Jıynda málim bolǵandaı oblys aýmaǵynda aǵymdaǵy jyldyń 4 aıynda ótken jyldyń osy kezeńimen salystyrǵanda jalpy quqyqbuzýshylyq 8,8 paıyzǵa tómendegen. Alaıda baıandamany tyńdaǵan oblys ákimi jergilikti polısıa qyzmeti qurylǵan 2016 jyldan beri basshylyǵy halyq aldynda esep bermegenin atap ótti. Sonymen birge aıtylǵan tapsyrmanyń tıisti deńgeıde oryndalmaıtynyna toqtalyp, quqyqbuzýshylyqty aldyn-alý boıynsha jumystardy shıratýdy tapsyrdy.
Jıynda qaralǵan basqa da máselelerdi muqıat tyńdaǵan aımaq basshysy tıisti sala basshylaryna kámelettik jasqa tolmaǵan jasóspirimderdiń demalys ýaqytyn tıimdi ótkizýin uıymdastyrýdy, jasóspirimdermen jasalatyn qylmysty boldyrmaý úshin jasalǵan aldyn alý sharalarynyń tıimdiligin zerdeleýdi júktedi. Jańa ádis-tásilderdi ázirleýdi tapsyrdy.
Qylmystardyń basym kópshiligi jumyspen qamtylmaǵandar azamattar tarapynan jasalatynyn aıtqan oblys ákimi halyqty jumyspen qamtýǵa baǵyttalǵan memlekettik baǵdarlamalardyń sapaly oryndalýyn baqylaýǵa alynýyn, tıisti basqarmamen birlesip jumyssyzdardyń sanyn tómendetý boıynsha josparly túrde naqty is-sharalar júrgizýdi júktedi. Oblys prokýratýrasymen birlesken otyrysty qorytyndylaǵan Janseıit Túımebaev májilis barysynda aıtylǵan kemshilikter men syn-eskertpelerdi hattamaǵa engizip, oń nátıjeli jumystardy atqarýdy tapsyrdy.
