Jańalyq jetkizýdegi Batys pen Shyǵystyń qaıtalanbas óz erekshelikteri
Batystyń adamy kórshisine: "Búgin Mıster kishi Smıt Mıster Atkınsonnyń jalǵyz qyzy Djeınge úılenip jatqanyn estidińiz be? Tańerteń Dorchesterdegi shirkeýde nekelerin qıypty. Keshki 5-te resmı dastarhany eken. Mıster úlken Smıt esińizde shyǵar, bizdiń Núberıde týyp ósken, sý sharýashylyǵyn basqarǵan, keıin Dorchesterge kóshken. Al mıster Atkınsonnyń sheshesi Mıssıs Ýıláms - osy kósheniń basynda turǵan Greılerdiń jalǵyz qyzy, keıin Dorchesterdiń býhgalterine kúıeýge tıgen".
Shyǵystyń adamy kórshisine: "Bizdiń Aqbulaqtan Qaraǵandyǵa kóship ketken Tengebaev Sábıt esińde me? Oı, álgi qyrmanshy Seıittiń úlken uly she? Iá, sol 56 Sábıt qoı. Qaraǵandyǵa baryp ósip ketip edi ǵoı, aýyl sharýashylyǵy basqarmasyna kirip. Sosyn álgi Qadıshany bilýshi me eń? Jáken atanyń ortanshy qyzy she seniń Baqytyńmen qatar oqyǵan? Bizden úsh jyl buryn segiz jyldyqty bitirip Semeıge pedýchılıshege ketken she? Ol da keıin Qaraǵandyǵa baryp ýnıversıtetke kiripti ǵoı muǵalim bop. Búgin sol Sábıttiń kenje uly Qadıshanyń qyzyn alyp jatyr eken. Toıyn restoranda jasap jatyr deıdi. Aýyldan eki júz adam shaqyrypty".
Batys mentalıteti úshin jańalyq kirispede (ıntro) habarlanyp ketedi de, sosyn aıshyqtaý (bekgraýnd) aıtylady. Shyǵys mentalıtetinde aıshyqtaý (bekgraýnd) únemi alda júredi de, jańalyqtyń ózi sońynda aıtylady. Bylaısha aıtqanda Batysta shejire sońynda, al Shyǵysta basynda aıtylady:) Batystyń kóptegen medıa mamandary Shyǵys elderinde joba bastaǵanda, ıa trenıń ótkizgende osy erekshelikti eskermeıdi.
(Ǵalym Boqashtyń feısbýktegi paraqshasynan)
Pikir qaldyrý