Áýe kóligi qurylysy № 405 jóndeý bazasynda iske asady. Bul týraly búgin Májiliste ótkenÚkimet saǵatynda Qorǵanys jáne aeroǵarysh ónirkásibi mınıstri Beıbit Atamqulov málimdeli. Qorǵanys salasyndaǵy jaqsy jańalyqtan bólek, shendi elimizde bilikti kadrlardyń qoldy-aıaqqa turmaı jatqanyn jetkizdi.
Qorǵanys salasyn oıdaǵydaı damytý úshin elimizde kásibı mamandar jetkiliksiz. Depýtattar aldynda sóz alǵan mınıstr eń aldymen osy túıitkilge nazar aýdardy. Beıbit Atamqulovtyń aıtýynsha, joǵary oqý oryndaryn támamdap, shetelde bilim alǵan jastardyń kóbi Qazaqstanǵa qaıtqysy kelmeıdi. Túlekterdiń múddesin oıatý úshin olarǵa óz jobalaryn iske asyratyn jańa alań usyný qajet, deıdi. Básekege qabiletti arttyrý baǵytynda mamandardyń bilimi men biliktiligi mańyzdy. Áskerı ındýstrıanyń talaby da sıfrlyq tehnologıalarǵa aýysqan.
«Bizde bilimdi jáne óte talanty jastar kóp. Olardyń basym bóligi shetelde eń úzdik ýnıversıtetterdi bitirgen. Biraq biz olardan aıyrylyp qalamyz. Syrtqa ketip jatyr. Sondyqtan olarǵa barynsha jaǵdaı jasaýǵa umytylyp otyrmyz. «Sıfrly Qazaqstan» baǵdarlamasy belsendi qolǵa alynyp otyr»,- dedi QR qorǵanys jáne aeroǵarysh ónerkásibi mınıstri Beıbit Atamqulov.
Mınıstr Atamqulov jetistikke de kezek berdi. Otandyq mamandardyń kórshi elderge jyl basynan beri 60 tikushaq daıyndaǵanyn aıtyp, biraz masattandy. Eksportty «Evrokopter Qazaqstan Injınırıń» kompanıasy iske asyrady. Belgili bolǵandaı, bas qalada ashylǵan ortalyq Reseı, Ýkraına, Ortalyq Azıa jáne Mońǵolıa elderiniń áýe kemelerin jóndeıdi. Mınıstr aldaǵy ýaqytta Mı-8 syndy alyp tikushaqtardyń Almatydaǵy avıajóndeý zaýytynda qurastyrylatynyn habarlady.
«Bıyl biz tikushaqtardyń alǵashqy legin shyǵaramyz. Aıta keteıin, bul óte senimdi áýe kóligi. Ol ózin jan-jaqty kórsete bildi. Suranysqa ıe. Jumystyń 30 paıyzyn 2016 jyldyń jeltoqsanynda Astanada ashylǵan áýe-tehnıkalyq ortalyǵy oryndaıdy»,-dedi QR qorǵanys jáne aeroǵarysh ónerkásibi mınıstri Beıbit Atamqulov.
Sonymen qatar, shendi elimizdiń áskerılerine berilgen brondi tehnıkaǵa toqtaldy. Ázirge 60 kólik jetkizilgen. 2019 jyly onyń sany taǵy 30 artpaq. Aldaǵy ýaqytta tozyǵy jetken BTR-82 kólikteri tolyǵymen jańarýy tıis. Qorǵanys salasynda sıfrlyq tehnologıalarǵa da jiti kóńil bólinedi. Onyń shinde 3D - prıntıng, kompozıttik materıaldar, aqparattyq tehnologıalar keńinen damıtyn bolady.Zaman talabyna saı qarý-jaraq pen áskerı tehnıkanyń jańa túrlerin shyǵarýǵa bet burý robottandyrýǵa, aqparattyq júıeler men kásibılikti shyńdaýǵa sep bolady, - deıdi mınıstr. Beıbit Atamqulov sóz sońynda «KADEX-2018» kórmesine kóńil aýdardy. Astanada ótetin bıylǵy kórmede 6 memlekettiń aeroǵarysh salasy basshylary bas qospaq.
