Atakent aımaǵyndaǵy pavılonnyń biri ótken demalys kúnderi úlken sport zalyna aınaldy. 3500 sharshy metr bolatyn aýmaq birneshe bólikke bólinip, onda sport túrlerinen saıystar uıymdastyryldy. Sharaǵa nıet etken árbir qala turǵyny qatysty. Kelýshiler qol kúrestirip, vorkaýtta baq synap kórdi. Tipti, zýmba men salsa bılerinen de jarysty. Aıta ketsek, saıysqa kez kelgen adam tegin qatysty.  Al erekshe belsendilik tanytyp, kózge túskenderge syılyqtar tabystaldy. Sondaı-aq shara kezinde salaýatty ómir saltyn ustanýshylar tanymal sportshylardyń sheberlik saǵatyna qatysty. Olar óz kezeginde jetistikteriniń qupıasy men jattyǵýdaǵy tehnıkalyq erekshelikterimen bólisti. Festıvál qala ákimdiginiń qoldaýymen ótti.

«Sharaǵa kez kelgen adamnyń tegin qatysýyna múmkindik berdik. Óıtkeni, salaýatty ómir saltyn ustaýdy dáriptegimiz keledi. Ásirese jastarymyz ishimdik pen esirtkiden ada bolyp, sportqa bet bursa biz óz maqsatymyzǵa jetkenimiz»,-dedi Almaty qalasy máslıhatynyń depýtaty Konstantın Avershın.