Almaty máslıhatynyń áleýmettik-mádenı damý boıynsha turaqty komısıasy qalanyń júz alpystan astam kóshesiniń ataýyn ózgertý týraly usynys jasady.
Almaty kósheleriniń birine qazaq ánshisi Batyrhan Shúkenovtyń esimin berý týraly usynys jasaldy.
Almatyda Alataý men Bostandyq aýdandarynda biraz kóshelerdiń ataýlary ózgerýi múmkin. Ásirese, kóp qaıtalanatyn kóshe esimderiniń ornyna Ábish Kekilbaev, Erkeǵalı Rahmadıev, Batyrhan Shúkenov, Farıza Ońǵarsynova, Móńke Bı sekildi tulǵalardyń esimi berilýi múmkin. Mundaı usynysty Almaty qalasy tilderdi damytý basqarmasy Respýblıkalyq onomastıka komısıasyna joldamaq. Sonymen qatar, jer-sý ataýlaryn da qaladaǵy kóshelerge berý qarastyrylyp otyr.
«Osy usynylyp otyrǵan tulǵalar komısıanyń otyrysynda biraýyzdan qoldaıdy degen senimdemiz. Negizinen qazirgi tańda bizde basym ataýdy tarıhı jer-sý ataýlary men halyqqa jaqyn dástúrli ataýlar usyný arnaıy tapsyrma bar, sonyń negizinde biz kóbinese jer-sý ataýlardy qaıta jańǵyrtý, dástúrli ataýlardy usynǵanbyz», -dedi Almaty qalasy Tilderdi damytý basqarmasy onomastıka bóliminiń basshysy Ótepbergen Qýatbaıuly.
Dálirek aıtsaq, Bostandyq aýdany "Alataý" shaǵyn aýdanyndaǵy Naýryz kóshesi ataýyn ózgertýi múmkin.
Shúkenovtiń esimin máńgi tarıhta qaldyrý týraly bul ıdeıa máslıhattyń áleýmettik-mádenı damý boıynsha turaqty komısıasy otyrysynda aıtyldy.
Batyrhan Shúkenov 2015 jyly 29 sáýirde 53 jasynda Máskeýde qaıtys boldy. Shyǵarmashylyq jolyn Roza Rymbaevamen birge saksofonıst retinde bastaǵan Batyr 1988 jyly "A'Stýdıo" tobyn qurdy. Al 2000 jyldan bastap jeke án aıta bastady.
