Ókpe Eger siz tamaǵyńyzdy ýaqytynda ishpeseńiz, men sizdi múlde kórmeı ketem. Ókpeleımin. Siz ájethanaǵa barmaı, ózińizdi ózińiz qınasańyz, men búk túsip teris qarap jatyp qalam. Eger siz bolmasańyz, kún de ýaqytynda shyqpaıtyn boldy. Kúlli álem sizge arqa súıep aldy. Bizge janyńyz ashysa, aýyrmańyz! Iá, ıá. Biz deseńiz, ólmeńiz. Ólgińiz kelse de ólmeńiz. Sizdiń oǵan qaqyńyz joq!
Iá, biz oǵan jol bermeımiz. Barsha halyq bolyp talap etemiz. Siz ýaqytynda demalyńyz. Ár nársege, usaq-túıekke bas qatyra bermeńiz, júıkeńizdi saqtańyz. Siz bizge kereksiz! Eger osy saılaýǵa túspeseńiz, biz ashtyq jarıalaımyz. Ózińiz bilesiz, bizdi eldegi ózge másele oılandyrmaıdy. Al, sizdiń saılaýǵa qatyspaǵanyńyzǵa beı-jaı qaraı almaımyz! Biz halyqtyń atynan suranamyz. Aıtpaqshy, halyq ta suranyp jatyr. El arasyna shyǵa qalsaq, eń birinshi suraıtyny – siz! Qarny ashyp júrgen joq pa? Uıqysy qanyq pa? Bizdi qoıshy, sol kisi aman bolsyn deıdi.(Qanaǵat Ábilqaıyrdyń feısbýktegi paraqshasynan)
Pikir qaldyrý