«Rýhanı jańǵyrý»: Almatyda aǵylshyn tilin tegin úıretetin kýrs ashylady

    Nazerke Labihan
    «Rýhanı jańǵyrý»: Almatyda aǵylshyn tilin tegin úıretetin kýrs ashylady

    Almatyda aǵylshyn tilin tegin úıretetin kýrs ashylady.

    Almatyda «Rýhanı jańǵyrý» baǵdarlamasy aıasynda aǵylshyn tilin tegin úıretetin kýrs bastalady. Oǵan qatysý úshin alystan at terletip kelýdiń qajeti joq - deıdi jobany uıymdastyrýshy «U 38»ýnıversıtetter alánsy. Profesorlar kýrsty onlaın rejımde júrgizedi eken. Sondyqtan aǵylshyn tilin Qazaqstannyń kez kelgen jerinen úırenýge bolady. Qatysýshylar úshin 7 sabaq daıyndalǵan. Iaǵnı, til meńgerýshiler qalaǵan ýaqytynda kýrsqa qosylyp bilim ala alady. Aıta ketsek, onlaın kýrs tildi jańadan úırenýshilerge arnalmaǵan.

    «Bir deńgeı kerek aǵylshyn tilinde. Ony biz «Pre-Intermediate»deımiz. Iaǵnı, siz osy deńgeıde ózińizdiń oıyńyzdy jınaqtaı alasyz. Ózińizdiń sózdik qoryńyz bar. Bul kýrstyń ereksheligi - siz sol oılaryńyzdy durystap, mazmundap, aýdıtorıaǵa baǵyttap, leksıkalyq turǵydan sony durystap jetkize alatyn bolasyz»,  - dedi Abylaı han atyndaǵy QHQ jáne ÁT ýnıversıtetiniń dosenti Perızat Elýbaeva.

    Qatysty Maqalalar