Qazaqstannyń barlyq óńirlerinde 1 maýsymnan bastap halyqty sıfrlyq saýattylyqqa úıretý boıynsha kýrstar bastalady, dep habarlaıdy Qamshy.kz aqparat agenttigi. 

       «Sıfrlyq Qazaqstan» memlekettik baǵdarlamasynyń baǵyty - Adam kapıtalyn damytý maqsatynda QR Aqparat jáne komýnıkasıalar mınıstrligi «Zerde» holdıńi» AQ-men birge halyqty sıfrlyq saýattylyqqa úıretý boıynsha ádistemeni jáne oqý baǵdarlamasyn ázirledi.

        Elimizdegi sıfrlyq saýattylyq deńgeıin 78,5% kórsetkishke jetkizý úshin 500 myńǵa deıin adamdy mobıldik daǵdylar, Internetpen jumys, qaýipsizdik, derekterdi qorǵaý sıaqty taǵy da basqa bazalyq kompetensıalarǵa oqytý qajet.

        Osynyń sheńberinde aǵymdaǵy jyly eldiń ár aýmaǵynda halyqty sıfrlyq saýattylyqtyń bazalyq kompetensıalarǵa úıretý boıynsha is-sharalar júrgizý josparlanýda.

        Oqý kýrstary mynadaı daǵdylar boıynsha ótedi:

1. «Bazalyq sıfrlyq daǵdylar» boıynsha. Bazalyq sıfrlyq daǵdylarǵa personaldyq kompúterdi jáne noýtbýkty, mobıldik qurylǵylardy, Internet jelisin, qaýipsizdik pen derekterdi saqtaýdy senimdi qoldaný jatady.
2. «Elektrondyq úkimet jáne elektrondyq memlekettik qyzmetter» boıynsha. «Elektrondyq úkimetti» qoldaný daǵdylaryna qajetti úıden shyqpaı «onlaın» elektrondyq memlekettik qyzmetterin alý jatady.
3. «Ashyq úkimet» boıynsha. «Ashyq úkimetti» qoldaný daǵdylaryn «Ashyq úkimettiń» tórt komponenti (ashyq derekter, ashyq normatıvtik-quqyqtyq aktiler, ashyq dıalog jáne búdjetter) quraıdy.
4. «Elektrondy saýda» boıynsha. «Elektrondy saýda» daǵdylaryna taýarlar men qyzmetterdi satyp alý, satý jáne ilgeriletý jatady.

 Aıta keteıik, 2018 jyldyń sáýir-mamyr aılarynda «Zerde» Holdıńi» AQ, «Qazpochta» AQ, «Azamattarǵa arnalǵan úkimet» komersıalyq emes AQ mamandary turǵyndarǵa sıfrlyq saýattylyqtyń bazalyq jáne kásibı daǵdylaryn oqytatyn trenerlerdi daıyndaǵan bolatyn. 

      Oqytý kýrstary óz  kompetensıalaryn 1 nemese 4 daǵdy boıynsha kótergisi keletinder úshin tegin júrgiziledi.

Kýrstar Qazaqstannyń barlyq óńirlerinde (aýdan ortalyqtarynda, aýyldarda jáne  kentterde) 2018 jylǵy 1 maýsymda mektepter men kitaphanalar bazasynda bastalady. 

      Sizdiń aımaǵyńyzda kýrstyń ótetin ýaqyty men ornyn anyqtaý úshin 1414 nómirine habarlasýyńyzǵa bolady.