22 mamyrda tutqyndalyp, Qytaıǵa deportasıa jasalady degen Saıragúl Saýytbaıdyń jaǵdaıymen zańger Abzal Quspan tanysty, dep jazady Qamshy.kz aqparat agenttigi. Bul týraly belgili jýrnalıs Sáýle Ábildahanqyzy áleýmettik jelide jarıalaǵan vıdeoda belgili boldy.

Aıta ketsek, otbasy Qazaqstan azamattary bolyp sanalatyn, Qytaı shekarasynan zańsyz ótti dep aıyp taǵylǵan Saıragúl Saýytbaıdyń týystary vıdeo málimdeme jasaǵan edi. Qytaıǵa kúshtep qaıtarǵaly jatyr degen aqparat qoǵamda dúmpý týǵyzǵan bolatyn. 

Jarkentte ýaqytsha qamaýda otyrǵan Saıragúlmen kezdesken advokattyń aıtýynsha, onyń densaýlyǵy jaqsy, ózi úshin alańdaǵan qazaq jurtyna rızalyǵyn aıtqan. Qajetti zattardy kirgizýge ruqsat etilgen. 

Qazir Saıragúldiń ústinen Qazaqstannyń qylmystyq kodeksi boıynsha qylmystyq is qozǵalǵan. Qazirge Qytaıǵa bere salady degen qaýip joq. 

Esterińizge salsaq, atalǵan aqparat shyǵa sala Qamshy.kz UQK-ge arnaıy saýal joldap, másele kótergen bolatyn.