Ekologtar adamnyń súıekterin kezdeısoq taýyp alǵanyn aıtady. Mamandar ruqsat etilmegen jerge qoqys tógý boıynsha shaǵymǵa kelgen. Al qurylys mańynan adamnyń súıekteri tabylǵan.

«Josparly reıd júrgizý kezinde osy mańnan ótip bara jatyp, adam súıekterin taýyp aldyq», — deıdi Ekologıalyq qaýipsizdik ortalyǵynyń mamany Anatolıı Fılıppov.

«Shamamen jer qazylyp, topyraq alynǵan. Ol jerde adam kómilgen bolý kerek, zańdy ma, álde qylmystyq pa, ázirge belgisiz. Qazý jumystaryn kim júrgizgeni belgisiz», — deıdi Fılıppov.

Mamandar ol jerdi aralap júrip jaqyn jerden taǵy birneshe súıek taýyp alǵan. Oqıǵa ornyna polıseıler shaqyrtyldy. Olar aýmaqty qorshap, ekologtardan jaýap aldy.

«Qansha bassúıek pen ózge de múshe súıekteri jatqany belgisiz. Tógip tastaǵan topyraqty tolyq qarap shyqqan soń belgili bolady. Árıne, jumysymyz jaǵymdy emes, biraq ol adamdardyń kim bolǵanyn anyqtaý qajet», — deıdi taǵy bir maman Elena Polánseva.

Qazirgi kezde súıekter tabylǵan orynda jedel áreket pen krımınalıserdiń birneshe toby jumys istep jatyr.