Nursultan Nazarbaev Lı Kesándi Qytaı Memlekettik keńesiniń Premeri laýazymyna taǵaıyndalýymen jáne Qytaı Halyq Respýblıkasy Kompartıasynyń HİH seziniń tabysty ótýimen quttyqtady, dep habarlaıdy Qamshy.kz aqparat agenttigi. 

Qazaqstan Prezıdenti eki el arasyndaǵy saıası jáne ekonomıkalyq áriptestiktiń jańa deńgeıge kóterilgenine toqtalyp, onyń ózara tıimdi yntymaqtastyqtyń úlgisi bolýǵa tıis ekenin aıtty. 

– Men Sizdiń 2014 jylǵy jeltoqsan aıynda Qazaqstanǵa kelgen saparyńyzdy oıyma alyp otyrmyn. Sol kezde Siz elderimiz arasyndaǵy birlesken ındýstrıaldy-ınvestısıalyq baǵdarlamany júzege asyrý úshin óte qyzyqty ári batyl  ıdeıalar usyndyńyz. Osy bastamanyń arqasynda Sizben birge jalpy kólemi 28 mıllıard dollardy quraıtyn 51 jobaǵa qol qoıdyq. Solardyń 11-i júzege asyrylyp jatyr, – dedi Nursultan Nazarbaev.

Sońynda taraptar energetıka, kólik jáne aýyl sharýashylyǵy salalaryna qatysty ózara yntymaqtastyq máselelerin talqylady.