Áýe shabýylynyń áskerleri jáne Almaty qalasynyń jergilikti áskerı basqarý organdarynyń áskerı qyzmetshileri dabyl boıynsha kóterildi.
Áýe shabýyldaýshy áskerlerinde jazǵy oqý kezeńi áskerı bólimder men bólimshelerde jaýyngerlik ázirlikti tekserýden bastaldy. Dabyl boıynsha kóterilgen shabýylshylar belgilengen ýaqytta aýdandaryna kelip, nazar aýdaryp budan ári oryndalatyn tapsyrmalaryna tolyqtaı daıyndyqqa kiristi. Jańa oqý kezeńinde áskerı qyzmetshiler bólimsheniń ishinde jeke- dara daıyndyqpen aınalysady. Jańadan ant qabyldaǵan merzimdi áskerı qyzmettegi sarbazdar qarý- jaraqpen kólik qurylǵylaryn paıdalanyp úırenýge taǵaıyndalady.
Áýe shabýylshylary áskerleriniń komandıri óz sózinde, jańa oqý kezeńinde buryn jaýyngerlik daıyndyqta qol jetkizilmegen nátıjelerdi eskere otyryp, áskerı jaýyngerlikti oqytýda mańyzdy is-sharalardy sapaly jetildirý kózdelgendigin sondaı-aq jańa oqý kezeńinde áskerı qyzmetshilerdiń jaýyngerlik daıyndyq júıesin jetildirýde kásiptik deńgeılerin únemi attyrý jumystarymen baılanysty ekendigin atap ótti.
Búgingi kúni áskerı bólimshelerdiń batalóndary, rota jáne bólimderi men bólimsheleriniń taktıkalyq- saptyq sabaqtar júrgizilýde.
Qarýly kúshteriniń jeke quramyn kenetten túsken dabyl boıynsha kóterip, baqylaý tobynyń jumystary uıymdastyrylǵan. Saptyq- taktıkalyq sabaqtar áskerı bólimder men bólimshelerdiń qysqa merzimde jan- jaqty daıyndyqta berilgen tapsyrmany oryndaýlaryn tekserýge múmkindik beretinin atap ótý qajet.
Oqytý kezeńiniń sońynda bólimshelerde ártúrli taktıkalyq oqytý jumystary júrgiziledi.
Eske salatyn bolsaq, áskerde 2018 jylǵy oqý jylynda jumyldyrý jáne jaýyngerlik daıyndyqty áskerde jáne basqarmalarda memlekettiń áskerı qaýipsizdigin qamtamasyz etý maqsatynda joǵary jaýyngerlikti ustap turý kózdelgen.
Almaty qalasy jergilikti áskerı organdarynyń negizgi mindeti QR Áskerı qurylymdary jáne basqa da áskerlerin qarýly kúshterine resýrstady shaqyrý jáne jumyldyrý bolyp tabylady.
Jumyldyrý- memlekettik uıymdar men organdarda, qarýly kúshteriniń áskerı qurylymdarynda jáne basqa da áskerlerinde Qazaqstan Respýblıkasynyń aýmaǵyndaǵy halyqty jáne ekonomıkany soǵys kezeńinde (jalpy jumyldyrý) nemese keıbir bólimderde (ishinara jumyldyrý) jumyldyrý boıynsha jalpy memlekettik is- sharalar kesheni.
