Reseı prezıdenti Vladımır Pýtın taıaýda Avstrıaǵa barǵan saparynda osy el kansleri Sebastán Kýrske bıyl jazda Venada AQSH prezıdenti Donald Tramppen kezdesýin uıymdastyrýǵa járdemdesýin suraǵan. Bul týraly amerıkalyq Wall Street Journal (WSJ) gazeti eýropalyq dıplomatıa arnalaryndaǵy derekkózine silteme jasap habarlady. Basylym dereginshe, Kýrs Pýtınniń ótinishin Trampqa jetkizýge ýáde bergen.
Wall Street Journal-dyń jazýynsha, Aq úıdegiler qazir Pýtınniń usynysyna oılanyp jatyr. AQSH Ulttyq qaýipsizdik keńesiniń ókili reseılik agenttikke Tramp pen Pýtın ońasha kezdesý múmkindigin buǵan deıin de talqylaǵanyn, biraq ázirge Vashıngton buǵan qatysty eshnárse aıta almaıtynyn" habarlady.
Reseı men AQSH prezıdentteri kezdesý múmkindigin bıyl naýryzda telefonmen sóıleskeninde talqylaǵan. Biraq sodan beri kezdesýge daıyndyq sharalary jasalǵan emes.
Donald Tramp pen Pýtın arasynda tolyq eki jaqty samıt bolmaǵan. Byltyr shildede Gambýrgtegi G20 samıti barysynda qos memleket basshylarynyń kezdesýi nebári eki saǵatqa sozylǵan.
