Astana. 10 naýryz.  Qamshy.kz - Qytaıdaǵy qandastarymyz úshin elektrondy kezekke turý júıesi iske qosyldy.

Qandastarymyzdyń vızalyq rásimder jumystaryna jeńildik jasaý maqsatynda arnaýly saıt ashyldy dep habarlaıdy jergilikti BAQ quraldary.

«Kezek» saıty – Qytaı Halyq Respýblıkasynyń ulty qazaq azamattaryna Qazaqstan Respýblıkasyna barý úshin «jeke sapar vızasyn» rásimdeý úshin kezekke turatyn ınternettik júıe.

Kezek.org saıty arqyly Shyńjańdaǵy qandastarymyz vıza kezegin elektrondy túrde alý múmkindigine qol jetkizip otyr. Bul júıeniń iske qosylýy Úrimjiden alys aýdandarda turatyn aǵaıyndar úshin óte tıimdi bolyp otyr. Ondaı aýdandardaǵy qandastarymyz osyǵan deıin Úrimji qalasyna baryp, aptalap, keıde aılap júrip vıza kezegine ázer qol jetkizetin edi. Endi elektrondyq júıeniń kómegimen tez ári senimdi qyzmetke qol jetkizýmen qatar áli de toqtamaı kele jatqan deldaldyq qyzmetterdiń joly kesiledi dep kútilýde.

Orazbek SAPARHAN