Búgin Almaty qalasy qorǵanys isteri jónindegi departamentinde Qazaqstan Respýblıkasynyń Prezıdenti N. Nazarbaevtyń 2018 jylǵy 10 qańtardaǵy "Tórtinshi ónerkásiptik revolúsıa jaǵdaıyndaǵy damýdyń jańa múmkindikteri" Qazaqstan halqyna Joldaýy talqylaý boıynsha dógelek ústel bolyp ótti. Dóńgelek ústelge "Nur Otan" partıasynyń Almaly aýdandyq fılıaly tóraǵasynyń birinshi orynbasary Erlan Albısenov qatysyp, Joldaýda qoıylǵan basty mindetterge toqtaldy.
Sonymen qatar joldaýdy talqylaý barysynda qoıylǵan 10 mindet talaptaryn Almaty qalasy qorǵanys isteri jónindegi departamentiniń bólim bastyǵy podpolkovnık Goıkolov S.S. túsindirdi.
Ol sózinde "Elbasy N.Á.Nazarbaev Qazaqstan halqyna arnalǵan jyl saıynǵy Joldaýyndaǵy 10 negizgi mindet eldiń ál-aýqatynyń artýyna zor múmkindik beredi. Joldaýda ekonmoıkalyq jáne áleýmettik máselelerge basymdyq berilgen. Sebebi, árbir mindettiń iske asyrylýy joǵary deńgeı men sapaly nátıjeni kórsetedi. Sondaı-aq árbir mindettiń ózindik orny bar"- dedi.
Atalǵan is-sharada Joldaýdyń 9-mindetinde jemqorlyqpen kúres jáne zańnyń ústemdigine basa nazar aýdaryldy. Sonymen birge, bul joldaýdyń ereksheligi - jemqorlyqtyń aldyn alýǵa negizgi sharalardyń bar bolýy.
Qazirgi tańda zamanaýı tehnologıalardyń qarqyndy damýyna baılanysty memlekettik organdardaǵy prosesterdi, sonyń ishinde olardyń halyqpen jáne bıznespen qarym-qatynasyn sıfrlandyrý - jyldam qyzmet alýǵa múmkindik beretindigi talqylandy.
10 mindet - naqty qadam. Óıtkeni, Qazaqstannyń jyldam damýy sıfrlyq úrdistiń ońtaıly jáne jyldam ádisterin qoldanýǵa meılinshe múmkindik beredi.
Elbasy Joldaýyndaǵy naqty qadamdardy iske asyrý kez kelgen memlekettik qyzmetshilerdiń mindeti bolyp tabylmaq.
Qarlyǵash MUSABEKQYZY
