Bul týraly Máskeýdiń Presnensk aýdandyq sotynyń baspsóz hatshysy Alekseı Chernıkov málimdedi, - dep habarlaıdy Tengrinews.kz.

"Máskeýdiń Presnensk aýdandyq soty Ertaevtyń úı qamaǵyn 8 qarashaǵa deıin uzartty", - deıdi Chernıkov.

Eske salaıyq, 2018 jyly mamyrda qazaqstandyq bankır jáne kásipker Jomart Ertaev Reseı astanasyndaǵy  "Moskva-Sıtı" bıznes ortalyǵynyń mańynda ustalǵan bolatyn. 11 mamyrda Presnensk aýdandyq soty ony úı qamaǵyna alý týraly sheshim shyǵarǵan. 

13 maýsymda Máskeý prokýrory Ertaevty tergeý abaqtysyna qamaýdy jáne ary qaraı Qazaqstanǵa qaıtarýdy talap etken. Alaıda sot Ertaevty úı qamaǵynda qaldyrdy. 

Al Qazaqstannyń İİM ókilderi "Bank RBK" AQ dırektorlar keńesiniń tóraǵasy Ertaev 80 mıllıon dollardy jalǵan JSHS arqyly nesıe túrinde shyǵarǵan jáne ol qarjyny qaıtarmaý áreketterin jasaǵanyn aıtady. Ertaevqa qatysty QR QK-niń "Alaıaqtyq" baby boıynsha is qozǵaldy.  Qazir Ertaevty Qazaqstanǵa ekstradısıalaý týraly másele qaralyp jatyr.