Otyrar aýdanynda 23 maýsym - Memlekettik qyzmetshiler kúni men memlekettik qyzmet organdary qurylǵanynyń 20 jyldyǵyna oraı arqan tartý jáne kishi fýtboldan memlekettik mekeme qyzmetkerleri arasynda aýdandyq ashyq birinshilik ótti.

Óskeleń urpaqty salaýatty ómir saltyna baýlý, buqaralyq sportty kópshilikke jan-jaqty nasıhattaý maqsatynda ótken jarystyń ashylý saltanatynda sóz alǵan aýdan ákimi Erlan Aıtahanov: «Elbasymyz Nursultan Nazarbaevtyń memlekettik baǵdarlamalary men dástúrli Joldaýlarynda kóterilgen mindetterdi júzege asyrýda ótkizilip otyrǵan búgingi sporttyq sharalar QR Memlekettik qyzmet organdarynyń 20 jyldyǵyn ulyqtaýǵa baǵyttalyp otyr. Memlekettik qyzmetshilerdiń eń basty mindeti - halyqqa adal qyzmet etý.

Árbir memlekettik qyzmetshi osy qaǵıdany esh ýaqytta umytpaýy tıis. Naqty aıtatyn bolsaq, ult mártebesin kóteretin, el abyroıyn asqaqtatatyn memlekettik qyzmetker bolý - jaýapty mindet. Óıtkeni, memlekettik qyzmetshi qaı kezde de bıliktiń bıik beınesin, iskerlik qabiletin kórsetedi»- dep, izgi tilegin bildirip, bos ýaqytty tıimdi paıdalanyp, kemel keleshekke degen berik senimmen buqaralyq sportpen shuǵyldanýǵa shaqyrdy. Jarysqa memlekettik mekeme qyzmetkerlerinen jasaqtalǵan 10 komanda qatysyp,sporttyq básekelestik tanytty. Júırikten oza shapqan júırik jeńimpazdarǵa aýdan basshysy arnaıy alǵys haty men estelik medaldary tabystaldy.