«Sýperotbasy - 2» anımasıalyq  fılminiń tusaýy kesildi.

Shymkent qalasyndaǵy «Mega Planet Shymkent» kınoteatrynda qazaq tilinde jaryq kórgen  «Sýperotbasy - 2» anımasıalyq  fılminiń tusaýy kesildi.

Sharaǵa oblys ákiminiń orynbasary Erbol Sadyr qatysyp, oblys basshysynyń quttyqtaýyn jetkizdi.

«Sýperotbasy- 2» fılmi - «Bolashaq» Korporatıvtik qory qazaq tiline tárjimalaǵan 24-shi týyndy. Qazaq tilindegi dýblájdyń rejıseri Shah-Murat Ordabaev. 

«Sýperotbasy - 2» fılmi jas akterler - Dıdar Quralbaev pen Aıkórkem Ádilgereevanyń debútti jumysyna aınaldy.

Dýbláj jasaıtyn akterlerdi izdestirý barysynda uzaq ýaqyt boıy Vıolettanyń keıipkeri úshin daýys taba almaǵan fılmniń dýblájdyq toby Qazaqstan boıynsha izdestirý jumystary barysynda  Aıkórkem Ádilgereevany tańdasa,  Shastık rólin dybystaýǵa jas akter Dıdar Quralbaev laıyq dep tanyldy. «Shastıktiń» aty qazaq tiline «Jelaıaq» dep aýdarylǵan.  Fılmge  60-tan asa akter at salysty.

Sharaǵa qatysýshylar saltanatty ashylýdan soń «Sýperotbasy - 2» anımasıalyq  fılmin tamashalady.