Medısına qyzmetkerleriniń merekesi bizdiń elimizde – ózin medısına mamandyǵymen baılanystyryp, adam ómiri men densaýlyǵyn saqtaýǵa úles qosyp júrgen azamattardyń kúni. Aýdan kólemindegi aq halatty abzal jandardyń kásibı merekesi Q.Jandarbekov atyndaǵy oblystyq drama teatrynda saltanatty túrde atalyp ótti.

Densaýlyq saqshylarynyń basyn qosqan merekelik jıyndy aýdan ákiminiń orynbasary Altyn Eshanqulova ashyp, medısına qyzmetkerleriniń tól merekesimen quttyqtap, jyly lebizin bildirdi. Budan keıin uzaq jyldar boıy medısına salasynda jemisti eńbek etip kele jatqan birqatar sala úzdikterine aýdan basshysy atynan «Alǵys hat» tabystady. Sondaı aq sharada "Nur Otan" partıasynyń Maqtaral aýdandyq fılıaly tóraǵasynyń birinshi orynbasary Á.Baıdullaev, aýdandyq ardagerler keńesiniń tóraǵasy Á.Isaev, aýdandyq ortalyq aýrýhanasynyń bas dárigeri A.Shnetov, Myrzakent ortalyq aýrýhanasynyń bas dárigeri A.Egemberdıev, Atakent ortalyq aýrýhanasynyń bas dárigeri U.Jurymbetova, Asyqata ortalyq aýrýhanasynyń bas dárigeri B.Ýteýlıeva áriptesterin mereıli merekemen quttyqtap, halyq densaýlyǵyn saqtaý jolynda talmaı eńbek etip kele jatqan bir top dárigerler men orta býyn qyzmetkerlerge oblystyq densaýlyq saqtaý basqarmasy basshysynyń «Qurmet gramotasy» men «alǵys hatyn» jáne óz attarynan baǵaly syılyqtar tabys etti.

QR Densaýlyq saqtaý mınıstrligi atynan "Eńbek sińirgeni úshin" medalimen uzaq jyldar boıǵy ǵumyryn medısınamen baılanystyrǵan Bolys Qudaıbergenuly marapattaldy. Saltanatty sharada oblystyq drama teatry ártisteriniń aýdannyń medısına salasynyń qyzmetkerlerine arnalǵan konserttik án shashý baǵdarlamasyna ulasty.