Sanaýly kúnderden keıin elimizde Ulttyq birińǵaı testleý bastalady. Bıyl Maqtaral aýdanynda 2807 oqýshy atalǵan synaqtan ótkeli otyr. Osyǵan oraı UBT ótetin orynda daıyndyq jumystaryn kúsheıtip, naýqandy sátti uıymdastyrý mindeti tur. Ol úshin oqýshylar men ata-analarǵa barlyq jaǵdaı jasalýy tıis. Búgin bul týraly aýdan ákimi Jamantaı Beısenbaev apparat jınalysynda málim etti.

Ulttyq birińǵaı testleýge mektep bitirýshi túlekter arnaıy kóliktermen tasymaldanyp, 2 mezgil tamaqpen qamtamasyz etiledi. Synaq ótkizý úshin aýdandaǵy №119 mektepte 12 aýdıtorıa men qosymsha 2 aýdıtorıa daıyndalyp, túgeldeı jeldetkishter ornatylǵan. Sondaı-aq, aýyz sý, ájethana máselesi sheshilip, elektr jaryǵymen qamatamasyz etý úshin qosymsha transformator daıyndalǵan.

"UBT kúni 1500-den astam ata-ana oqýshylarǵa qoldaý kórsetý úshin keledi. Olardyń otyratyn oryndary men júris-turystaryn uıymdastyryp, aýyz sýmen, tamaqpen qamtamasyz etý  kerek. Ol úshin medısınalyq jedel járdem men órt sóndirýshi kólikterdi arnaıy bekitip, kirip-shyqqan kólikterdi retteý úshin ishki ister basqarmasynyń qyzmetkerlerin jumyldyrýymyz tıis. UBT ótetin nysannyń tazalyǵy saqtalyp, ata-analar balalaryn kórip otyrý úshin LED ekrandardy ornatýymyz qajet. Sondaı-aq, UBT ótetin orynda zańsyz saýdany rettep, arnaıy asqanalardyń qyzmetin uıymdastyrǵanymyz jón" - dedi Jamantaı Qanaıuly.

Jıyn barysynda UBT kúni 30 uıaly telefon sıgnalyn anyqtaıtyn jáne 2 metal anyqtaıtyn qurylǵylar paıdalanylatyny aıtyldy. Sonymen qatar, oqýshylar men ata-analardyń qaýipsizdigi úshin 22 beınebaqylaý kameralary iske qosylatyn bolady.

Aıta keteıik, Byltyr 2648 maqtaraldyq túlekter UBT-ǵa qatysyp, aýdannyń ortasha kórsetkishi 70,5 bal bolǵan. Al, bıyl 2807 oqýshy ortasha 81,5 bal jınaıdy degen boljam bar.