"Álibı isi" basty fıgýranty Qaırat Jamalıev bostandyqqa shyqty, - dep habarlaıdy Tengrinews.kz. Onyń ótelmegen jazasy aıyppulǵa aýystyryldy. 

"Qazirgi ýaqytta Jamalıev Q.S. QAJ mekemelerinde esepte joq. QR Qylmystyq kodeksiniń 73-baby 3-bóligine sáıkes Aqmola oblysy Kókshetaý qalalyq sotynyń sheshimimen qalǵan ótelmegen jazasy aıyppulǵa aýystyryldy", - dep habarlady QR QAJK ókilderi resmı saýalǵa bergen jaýabynda. 

Qaırat Jamalıev 2015 jyldyń tamyzynda 13 jylǵa bas bostandyǵynan aıyrylǵan edi. Sot onyń barlyq múlkin tárkileý týraly sheshim shyǵarǵan. Onyń ishinde JSHS-daǵy úlesi, banktegi esepshottary jáne birneshe kólik bar. Keıin Qaırat Jamalıevtiń ótinishimen kasasıalyq ınstasıa jábirlenýshi Álibı Jumaǵulovtyń pikirin esepke ala otyryp, sottalýshynyń áreketin basqa bapqa aýystyrǵan. Osylaısha Jamalıevtiń jaza merzimi 13 jyldan 7 jylǵa azaıtylǵan.

2017 jyldyń jeltoqsanynda Almaty oblystyq soty prokýrorlardyń Qaırat Jamalıevti qonys kolonıasyna aýdarý týraly birinshi ınstansıa sheshimne qatysty apelásıalyq aryzyn qarastyrǵan. Sottalýshy qonys kolonıasyna aýdarylǵan, munda ol 2017 jyldyń 10 qarashasyndaǵy jaǵdaı boıynsha 4 jyl 4 aı jáne 28 táýlik bolýy tıis edi.  "

isi" áleýmettik jelilerde taraǵan aqparattar men vıdeolardan keıin búkil elge belgili bolǵan. 2015 jyldyń sáýirinde Álibı Jumaǵulovtyń ákesi soqqyǵa jyǵylǵan balasynyń sýretterin jarıalaǵan.