Batys Qazaqstan oblysy mamandandyrylǵan aýdanaralyq ekonomıkalyq soty bitimgershilik rásimderin jáne medıasıa ınstıtýtyn odan ári damytý maqsatynda sıfrlyq tehnologıany qoldanyp, uıaly telefon (8 705 872 7152) jáne WhatsApp (8 705 872 7152), Facebook áleýmettik paraqshasynda (medıasıa SMES EKO) qaýyrt jelini iske qosty.
Osy qaýyrt jelige turǵyndar daýdy (janjaldy) medıasıa tártibimen retteý týraly kelisim jasaý, ony oryndaý tártibi men jaǵymdy jaǵy jáne saldary týraly jedel aqparat jáne suraqtarǵa naqty jaýap ala alady.
«Medıasıa týraly» zań kúshine engeli osy zań týraly sot salasy qyzmetkerleri, advokattar men qarapaıym halyq arasynda jan-jaqty túsindirý jumystary júrip jatyr. Jeke jáne zańdy tulǵalar qatysatyn azamattyq, eńbek, otbasylyq, sondaı aq, asa aýyr emes, aýyrlyǵy ortasha qylmystarǵa qatysty isterge medıasıa tártibin qoldanýǵa bolady. Medıasıanyń maqsaty taraptardyń daýlasýshylyq deńgeıin tómendetý, ıaǵnı qarapaıym tilmen aıtqanda, taraptardy bitimgerlikke shaqyrý bolyp tabylady. Medıasıa barysynda taraptar ózderiniń qalaýy boıynsha talap mólsherin ulǵaıtýǵa nemese kemitýge, tipti daýdan bas tartýǵa quqyly. Eki jaqtyń da talabyn daýdamaısyz-aq sheshýge qol jetkizý medıatorlardyń basty maqsattarynyń biri de biregeıi dese bolady. Jeke azamattar men jalpy qoǵam úshin mańyzy joǵary bul isti júrgizý barysynda medıatorlar taraptardan, memlekettik organdardan jáne ózge de laýazymdy, jeke tulǵalardan táýelsiz bolady.
Rasynda, qazaq halqyna ózine tán bitimgerligi, mámile jasaý úlgisi- álem júıesinde qazylyq jasaýdyń eń ozyq ónegesi sanalady. Endigi kúni jer daýy men jesir daýy, qun óndirý sekildi bitispestiń bitimin kesip aıtatyn, tolǵaqty dúnıeni toǵyz aýyz sózben túıindep, tatýlastyryp tarqatatyn babamyzdyń bılik jasaý óneri, daý sheshýdiń ozyq júıesi medıasıanyń, qoǵamǵa keltirer tıimdiligi mol bolmaq.
Jergilikti turǵyndar tarapnan qandaı da bir suraqtar bolsa 8 705 872 7152 uıaly telefon nómirine telefon soǵýlaryna nemese «WhatsApp» qosymshasyna jáne «Medıasıa SMES EKO» Facebook paraqshasyna jazýlaryna bolady.
