Shildeniń basynda Shymkent qalasynda qazaqstandyqtardy dúrliktirgen oqıǵa bolyp edi. Er adam kishkentaı balany podezge kirgizip alyp aılasyn iske asyrmaq bolady. Alaıda podezge áıel kirip qalyp, bala zorlyqtan aman qalady. Bul jaǵdaı podezd ishindegi baqylaý kamerasyna túsip qaldy. Al belgisiz bireý vıdeony áleýmettik jelide taratyp jiberdi.

Ne de bolsa búldirshinniń psıhologıasy buzyldy, ómirine balta shabyldy. Sebebi álgi er adam men onyń isi balanyń kóz aldynda máńgige qalyp qoıýy ábden múmkin. Bul oqıǵa baladan buryn balanyń jaqyndaryna qattyraq áser etti.

Pedofıldiń qurbanyna aınala jazdaǵan balanyń ákesi 40 jasynda júrek ustamasynan qaıtys boldy. Týystarynyń sózinshe, balanyń ákesi bolǵan jaǵdaıdy kótere almaǵan.

«Oqıǵadan bir aptadan keıin kúıeý balam qaıtys bolyp ketti. Júregi kótermegen. Mundaıdy eshkimge de tilemeımin», - dedi balanyń ájesi 31 arnanyń tilshisine.

Onyń ústine balanyń ákesi otbasyndaǵy jalǵyz asyraýshy bolǵan eken.

Pedofıldiń ózi qazirgi ýaqytta ýaqytsha ustaý ızolátorynda otyr. Bala onymen betpe-bet kezdesipti, tek janynda psıhologtar bolǵan.

Tórtinshi sábıin kútip júrgen anasy taǵy úsh balasymen jalǵyz qaldy. Týystary pedofılge eń qatal jaza qoldanýdy surap otyr. Alaıda saraptama nátıjeleri áli daıyn emes.