Batys Qazaqstan oblysy ákimi Altaı Kólginov Darıan jáne Shabdarjap aýylynda salynǵan sý jańa mektep ǵımaratymen tanysty, dep jazady Qamshy.kz.

Jańa qurylys nysandarynyń sapasyn teksere kelgen óńir basshysy Altaı Kólginov jurtshylyqpen júzdesip, aýyl halqyn elde jáne oblys aýmaǵynda atqarylyp jatqan jumystar jóninde habardar etti. Aýdandarda «Sıfrlyq Qazaqstan» baǵdarlamasy aıasynda «Nur Otan» partıasynyń qoldaýymen İT synyp ashylady. Sondaı-aq 300 oryndyq mektep-gımnazıa ǵımaraty men 100 oryndyq ınternat salýdyń qujattamasy ázir.

Zelenov aýdanyna qarasty Darıan aýyly buryn aýdan ortalyǵy bolǵan iri eldi meken. Munda byltyrdan beri 300 oqýshyǵa arnalǵan jańa mekteptiń ǵı­maraty jáne mektep janynan 100 balaǵa laıyqtalǵan ınternat úıi qurylysy júrip jatyr. Sońǵy úlgi­degi barlyq oqý quraldarymen qam­tylǵan mekteptiń eń basty ereksheligi, munda oblysta alǵashqy bolyp İT- synyp ashylady. Al Aqjaıyq aýda­nyn­daǵy Shabdarjap aýyly Oraldan 300 shaqyrym jerde jatqan shalǵaı eldi meken. Byltyr tamyz aıynda bastalǵan 198 oryndyq mektep ǵımaratynyń qurylysy tolyq aıaq­talyp, jańa oqý jylyna shákirt qabyl­daýǵa daıyn tur.

Barlyq oqý kabınetteri qajetti quraldarmen jabdyqtalǵan. Sońǵy úlgidegi robot-tehnıka kabıneti, tehnologıa pánine qoldanylatyn túrli qurylǵylar men tigin mashınalary tur. Óńirdegi ózge mektepter sıaqty Shabdarjap mektebinde de jańa oqý jylynda oqýshylar Bilimbook kompúter-transformerlerin paıdalanatyn bolady. Bilimbook – Nazarbaev zıatkerlik mektepteri júıesinde synaqtan ótken ozyq úlgili, jańa ádistemeli sabaqtar júk­telgen kompúter-transformer. Ol ınternetke qosylmaı-aq paıdalanýǵa jaramdy. Qazaq, orys, aǵylshyn tilinde baǵdarlamalar júktelgen Bilimbook jady 2-3 aı saıyn jańartylyp turady.

– Elbasy jaqynda Oral qalasyna kelgen saparynda óńirdegi shaǵyn jınaqty mektepter jóninde arnaıy surady. Óıtkeni oblystaǵy mekteptiń 60 paıyzy shaǵyn jınaqty mektepke jatady. Biz osyndaı 223 mektepti Bilimbook kompúter-transformerimen qamtamasyz ete­miz. Kerek jerinde ınternat salyp­ jatyrmyz. Aldaǵy 2-3 jylda óńir­de stýdentterge arnalǵan 7 jataq­hana boı kóteredi. Óńirge qajetti mamandyqtarǵa granttar bólemiz. Bilim máselesi bizdiń erekshe nazarymyzda, – dedi turǵyndar aldynda aǵynan jarylǵan A. Kólginov.