Elimizdiń ońtústik astanasynda «Sporttyq Almaty» baǵdarlamasy aıasynda osy jylǵy birinshi túngi velosherý ótti.

Qashyqtyǵy 7,5 shaqyrymdy quraǵan velosherýge 1000-ǵa jýyq qala turǵyny men qonaqtary qatysty. Olar «Nurly Taý» bıznes ortalyǵynan bastap QR Tuńǵysh Prezıdenti saıabaǵyna deıin júrip ótti.  

Qatysýshylardyń arasynda baǵaly syılyqtar jáne velosıpedter oınatyldy. Onyń birin veloshabandoz Vıtalıı Gerasımovtyń uly Gleb Gerasımov utyp aldy.  

«Men kezinde «Ekstrım» klýbynda óner kórsettim. Velosporttan Sport sheberligine úmitkermin. Qazir áýesqoımyn. Osy velosherý bastalǵannan beri jibermeı qatysyp kelemin. Endi, mine, óz balamdy da osy sportqa beıimdep júrmin. Birinshi ret osyndaı syılyq utyp aldyq, óte rızamyz. Uıymdastyrýshylarǵa rahmet», - deıdi Vıtalıı Gerasımov.  

Aıta keter jaıt, bul velosherý «Sporttyq Almaty» qalalyq baǵdarlamasynyń qoldaýymen 2018 jyly josparlanǵan 21 velosherýdiń 10-shysy bolyp sanalady.