Botanıkalyq baqtyń ınfraqurylymdyq shyǵyndaryn qalalyq ákimdik óteıtin boldy.
«2018 jyldyń sońyna deıin Botanıkalyq baqtyń ınfraqurylymdyq shyǵyndaryn tóleý quzyryn qalalyq ákimdikke berý máselesi sheshilýde. Bul másele boıynsha jumys júrgizilip jatyr», - dedi qalalyq tabıǵı resýrstar men tabıǵat paıdalanýdy retteý basqarmasynyń basshysy Áset Masabaev.
Basqarma basshysy baq ósirýdiń ǵylymı máseleleri QR Bilim jáne ǵylym mınıstrliginiń quzyrynda qalatynyn aıtty. Ákimdik tek terıtorıanyń abattandyrylýyna, tazalyǵyna ǵana jaýap bermek.
Aıta ketý kerek, búginde Bolat Ótemuratovtyń qory usynǵan Botanıkalyq baqty qaıta jasaý tujyrymdamasy qoǵam talqylaýynan ótip jatyr.
Aýmaǵy 103,6 ga bolatyn baq 2006 jyldan beri respýblıkalyq mańyzy bar erekshe kúzetiletin aımaq bolyp sanalady.
