Almatyda Ońtústik Koreıamen birlesken ambýlatorlyq klınıka ashyldy. Bul Ortalyq Azıa aýmaǵyndaǵy tolyǵymen sheteldik ınvestısıaǵa iske asyrylǵan alǵashqy medısınalyq mekeme.
Koreıanyń ozyq dıagnostıkalyq tehnologıalarymen jabdyqtalǵan emhanada tıimdi ota jasaý júıesi engizilgen. Sonymen qatar, Sıngapýr tehnologıalary da paıdalanylatyn bolady. Obyr skrınıngin iske asyrý úshin Seýl ulttyq ýnıversıteti janyndaǵy BIOiNFRA ǵylymı bıologıalyq kompanıasy obyrdy anyqtaý prosesine tolyqqandy tehnıkalyq qoldaýdy qamtamasyz etetin bolady.
(POCT MDx) One Biomed molekýlalyq dıagnostıkasyna negizdelgen genetıkalyq jáne juqpaly aýrýlarǵa zertteýler júrgizý úshin sıngapýrlyq kompanıa tehnıkalyq seriktes bolady. Sonymen qatar, klınıka Koreıadaǵy jetekshi zerthanalardyń biri Seegene Medical Foundation ınvestısıalaryn tartyp, Qazaqstanda ortalyqtandyrylǵan zerthanalyq jelini qurý isimen aınalysady.
«Medical Partners Korea Qazaqstan» birlesken kompanıasy (MPK QAZ) Qazaqstanda medısınalyq kompanıalar tobyn qurýǵa nıetti. Onda operasıalyq menedjmentti koreıalyq medısına mamandary júrgizetin bolady. Emhana pasıentterge júıeli qyzmet kórsetip qana qoımaı, koreıalyq dárigerlerdiń kómegimen jan-jaqty sapaly baqylaý júrgizedi.
«MPKQAZ pasıentterge qyzmet kórsetý júıesi men kópulttyq medısınalyq operasıa júıesin qurýǵa ázir. Koreıanyń ozyq medısınalyq tehnologıalaryn jáne qyzmet kórsetý salasyndaǵy baı tájirıbemizdi qoldanamyz», - dedi medısınalyq dırektor, kardıolog-dáriger Hısýk Mın.
Emdeý ádistemesi koreıalyq jáne sıngapýrlyq tehnologıalarǵa negizdelgen klınıka Almatydaǵy bıznes ortalyqtardyń birinde ornalasqan. Qazaqstandyq pasıentterdi eń úzdik koreıalyq mamandar zamanaýı jabdyqtardy qoldana otyryp 13 baǵyt boıynsha qabyldaıtyn bolady.
