Almaty ákimdigi jer telimderin satyp alýǵa 4 mlrd teńgeden asa qarjy jumsaǵan. Bul týraly óńirlik komýnıkasıalar qyzmetiniń baspasóz brıfıńinde aıtyldy.

«Bıyl 140 jer telimin satyp alý úshin respýblıkalyq jáne jergilikti búdjetten 6,1 mıllıard tenge bólingen»,-dedi qalalyq jer qatynastary basqarmasynyń bastyǵy Altynbek Ahmetov.

Onyń aıtýynsha basqarma  109 jer telimin satyp alýǵa 4,1 mıllıard teńge jumsaǵan.

Qalǵan 2 mıllıard teńge jyl sońyna deıin ıgeriledi. Jer telimderi transporttyq ınfraqurylmdy jetildirý úshin satyp alynǵan.

«Rysqulov -Emsova jolaıryǵy, Rysqulov - Qulja tas joly, Nazarbaev dańǵyly, BRT jelileri qurylysyn damytý úshin qosymsha jer telimderi alynǵan»,-dedi basqarma basshysy.

Onyń aıtýynsha, Almaty terıtorıasynyń jalpy aýmaǵy 63,8 myń gektarǵa teń. Olardyń 44 % eldi mekenderge tıesili bolsa, 5,7 myń ga  transport pen shıkizat telimi quraıdy. 8,9 myń ga aýylsharýashylyǵyna paıdalanýǵa berilse, 5,4 myń ga jer aýmaǵy jeke sharýa qojalyǵy men aýylsharýashylyǵy ónimderine bólingen. Erekshe qorǵalatyn tabıǵı aýmaqtar úlesi 31,9 %.