Holiday Inn halyqaralyq meıramhanasynda jáne Qazaqstan qonaqúıinde respýblıkalyq semınar-trenıng ótti. Semınarǵa 14 oblystan jáne respýblıkalyq mańyzy bar qalalardan Din isteri departamentiniń basshylary, olarǵa baǵynyshty kásiporyndardyń basshylary, sonymen qatar, din salasyndaǵy Qazaqstan Respýblıkasynyń ǵylymı jáne bilim berý mekemeleriniń jetekshi sarapshylary qatysty.
Bul sharany “Almaty qalasynyń Din isteri jónindegi basqarmasynyń” tapsyrmasymen Social Development Center áleýmettik qory memlekettik áleýmettik tapsyrys aıasynda uıymdastyrdy.
Semınardyń baǵdarlamasy mynadaı formatta ótti: birinshi kúni – pikirsaıys, semınar, trenıń, ekinshi kúni – semınar qatysýshylaryna arnalǵan sheberlik-synyby, trenıń jáne mádenı baǵdarlama.
Respýblıkalyq semınardyń jetekshi spıkerleri – Almaty qalasy ákiminiń orynbasary Qyryqbaev Arman Orazbaıuly, QR Din isteri jáne azamattyq qoǵam vıse-mınıstri – Aryn Berik Saqbaıuly jáne QR Prezıdenti Ákimshiliginiń sektor meńgerýshisi – Ǵalym Shoıkın Nurmaǵambetuly boldy. Trenerler men semınar qatysýshylaryna tájirıbeli azamattar baıandama jasady. Atap aıtsaq: Fılosofıa ǵylymdarynyń doktory, profesor – Kosıchenko Anatolıı Grıgorevıch, Qazaqstan Respýblıkasy Ulttyq ǵylym akademıasynyń korespondent-múshesi, fılosofıa ǵylymdarynyń doktory – Seıhathetova Natalá Lvovna, PhD doktor, rasıonalısik teologıa salasyndaǵy maman – Chelıdze Rasım Alıevıch jáne «Ansar» konsýltatıvtik-saýyqtyrý ortalyǵynyń dırektory, teolog – Sabdın Asqar Qalymjanuly óz baıandamalaryn tanystyrdy.
Respýblıkalyq semınardyń ekinshi kúni tolyqtaı master-klastar men trenıńterge arnaldy. Barlyq tirkeý jumystary men qatysýshylardy ekinshi kúnniń baǵdarlamasymen tanystyrý jumystary bitken soń sóz sarapshylarǵa berildi. «Bilim» oqý-mádenı ortalyǵynyń dırektory – Irjanov Rýslan Samarhanovıch, First Coach kásibı spıkerlerdi daıyndaý ortalyǵynyń negizin qalaýshy – Qanatov Aslan, sonymen qatar, saıasattanýshy – Sarym Aıdos Ámirollauly jáne «Eksklúzıv» jýrnalynyń sholýshysy, saıasattanýshy – Jumaly Rasýl da óz pikirlerimen bólisti.
İs-sharanyń resmı jabylýy Almaty qalasy Din ister departamentiniń basshysy – Aısenbekov Aıdar Rahymjanulynyń semınarǵa qatysýshylarǵa sertıfıkattardy saltanatty túrde tapsyrýymen aıaqtaldy.
Trenıńtiń sońǵy kúniniń baǵdarlamasy boıynsha qatysýshylar óz qalaýymen Almaty qalasynyń tarıhı mýzeıine, D.Qonaevtiń úı-mýzeıine ekskýrsıa jasap, Medeý sport kompleksine barýyna bolady.
